Covalima ( RCTT ) 12-10-21, Organizasaun nebe taumantan ba ema ho Difisienssia Raes Hadomi Timor Oan ( RHTO ) Iha Covalima liu husi hato’o karta pedidu ba Ministerio Solidaridade Sosial no Inkluzaun (MSSI) Covalima, mak hetan apoio Hamotuk Fos Atus Tolu ( 300 ) resin ba hodi Ema ho difisiensia sira nebe hela iha Covalima.
Tuir Coordenador RHTO Munisipio Covalima Honorio Gusmão hateten husi Apoio Fos nebe MSSI Covalima fo, RHTO seidauk Distribui hotu ba Ema ho Difisiensia sira tanba hasoru Difikuldade ho kareta hodi bele transportasaun fos ne’e ba ema ho difisiensia nebe hela dok husi kapital Municipio Covalima.
“Fos Sakas Atus Tolu (300) Resin ne’e ba ema ho difisientsia nebe mak ami nia Organizasaun RHTO rezistu hela sira nia naran, maibe fos hira hirak ne’e maluk difisiensia balu mak hetan ona no maluk balu seidauk hetan tanba ho difikuldade transporte atu tula fos ba ema difisiensia sira mak la iha, maibe ami esforsu nafatin halo komfirmasaun ho parseiru sira atu tula fos hirak ne’e ba Difisiensia sira nia hela fatin” Dehan Cordenador RHTO Munispio Copvalima Honorio Gusmão.
Cordenador RHTO Munispio Covalima ne’e hatutan Relasiona ho difikuldade kona ba Transporte atu tula fos ba ema ho difisiensia sira nia fatin, RHTO Covalima husu apoiu ba Parseiru sira nebe hodi bele apoio trasporte.
“Oras ne’e dadaun ami mos koko hela hodi husu ita nia maluk parseiru sira nebe mak iha kareta, hanesan Cruz Vermelha Filial Covalima ( CVTL ), Centro Comunidade Covalima ( CCC ), Wold Vision, Care no Bombeiros, atu sira apoiu kareta hodi tula fos ba malu difisiensia sira nia hela fatin ida idak ” Tenik Cordenador RHTO Munispio Copvalima Honorio Gusmão.
Entretantu Cordenador RHTO Munisipio Covalima Honorio Gusmão ne’e husu ba Parseiru sira iha Munisipio Covalima atu nafatin fo apoiu kareta hodi bele hafasil sira nia aktividade trasportasaun fos ba ema ho Difisiensia sira.
Jornalista : Saturnino Soares
Editor : Chamot Nahac
