Covalima ( RCCT ) 11-01-22, Iha Vizita Traballu Primeiru Ministro Timor Leste Taur Matan Ruak mai Covalima, Ministra Saude Odete Maria Freitas, Kompromesa atu hari tan Postu Saude ida iha Suco Suai Loro Postu Administrativu Suai, no ida seluk iha Suco Holpilat Postu Administrativu Maukatar.
Iha okaziaun ne’e Aproveita iha Deskursu, Ministra da Saude (MS) Odete Maria Freitas hateten Ministerio da Saude sei halo parseiru ho Autoridade Lokal Sira hodi Harii tan Postu Saude Rua iha Munisipiu Covalima.
“ Ministerio da Saude Servisu hamutuk ho autoridade Saude Munisipiu Covalima atu harii Postu Saude rua iha Munisipiu Covalima, Postu Saude ida hari’i iha Posto Administrativu Maukatar Suco Holpilat no ida seluk hari Postu Saude iha Suai Loro Postu Administrativo Suai ” MS Odete Maria Freitas
Governante ne’e hatutan MS iha Planu atu hari Infransturtura hanesan Postu Saude, Maibe Kada vez Sempre hasoru Problema kona Rai, no depois de harii tia uma nafatin infrenta problema hanesan Bee no Eletrisidae.
“ Antes Atu halo Posto Saude, dala ruma ita mos infrenta Problema, bainhira Governu iha Ona orsamentu atu hari Postu Saude, dala ruma rai ka fatin atu halo uma Postu Saude mak la iha, depois hari tia Postu Saude, bee la iha eletrisidade sei tama komunidade sira nia leet buat sira ne’e mak sai problema ba Ministerio da Saude ” hatutan MS Odete Maria freitas
Entretantu Tuir Ministra da Saude Odete Maria Freitas hateten kriteria atu hari Postu Saude ba Komunidade sira iha Suco ,tenke priense rekezitus liliu konaba Habitantes ka populasaun, tamba tuir kriteria husi Ministerio da Saude habitantes ka populasaun tenke rihum ida atus lima ba leten iha Suco ida nia laran foin bele bele hetan Postu Saude.
Jornalista : Saturnino Soares
Editor : Chamot Nahac
