MS Odete ” Vasina la’os atu oho ema maibe atu aumeta ema nia Imunidade”

Covalima (RCCT) 20-07-21 Tersa-Feira ohin Ministra Saude (MS) Odete Maria Freitas Belo ho nia Komitiva halo vijita ba Suku Lepo Postu Administrativo Zumalai hodi halo dialogu konaba Vantagem husi Vasinasaun.

Ba Jornalista sira Ministra Saude (MS) Odete Maria Freitas Belo hateten, preokupasaun barak husi Komunidade Sira konaba lalaok vasina nian, maibe nia parte halo kedan esplikasaun klaru ba Komunidade Sira.

” Ohin sira nia preokupasaun barak kona ba Covid 19 ne’e, Tamba nema ohin ita ohin esplika didiak ba Sira konaba Vantagem no desvantazem ne’e saida, e Tamba saida maka presiza maka tenke swab ohin ita Koko esplika ida ne’e” Governante ne’e dehan.

MS ne’e husu ba Komunidade sira husi idade 18 to’o 59 atu tuir vasina, hodi nune’e bele hasae imunidade, hodi nune’e Timor Leste labele rezista Kazu mate hanesan ho Nasaun seluk.

” Ha’u hatete ba imi katak Vasina ne la’os atu oho ita, vasina ne’e di’ak maibe Komunidade barak dala ruma lakoi simu, maibe Ita esforsu atu nune’e sira bele tuir vasina ne’e, tanba Ita lakoi ita nia Ema mate hanesan Nasaun seluk, ezemplu Indonesia nian” Ministra Saude dehan.

Enkuanto Xefe Sentru Saude Postu Zumalai mos infroma ba dadaun ne’e Komunidade iha Posto Zumalai total populasaun nebe simu ona Vasinasaun hamutuk 1836, nia promesa sei kontinua halo sensiabilizasaun ba Komunidade Sira, atu hodi Kontinua fo Vasina ba Komunidade sira nebe seidauk simu.

” Iha Postu ne’e ema nebe maka simu ona vasina hamutuk 1836, maibe ami nafatin halo maneira, hanesan Sosializasaun ba Sira para sira bele tuir nafatin vasina ne’e” Rui Amaral hakotu.

Jornalista : Tynho Gusmao
Editor        : Chamot Nahac