MS Enkoraja Estudante EBS Suai Loro – Estudante 100 Resin Simu Vasina Pfizer Dose Dahuluk

Ministra Saúde Odete Maria Freitas Belo Halo Vasina ba Koordenador EBC Suai Loro, Francisco Gonçalves Babo/ Foto RCCT; Lito de Jesus.

Covalima (RCCT) 29-04-22, Ministeriu Saude (MS) kontinua implemta programa vasinasaun Pfizer, molok guvernu halo Vasina ba ema adultu sira, MS hala’o uluk Vasina ba labarik ho idade 12- 17 tanba virus da’et ba labarik sira.

Tanba ne’e Ministra Saúde Odete Maria Freitas Belo enkoraja estudante sira atu simu vasina Pfizer dose dahuluk.

“Ami husi Ministériu Saúde (MS) hamutuk ho Infermeiru no Infermeira mai hamutuk hodi vizita imi, ami nia prezensa iha ne’e atu fó vasina Covid-19 ba ita-bo’ot sira,” Ministra Saúde Odete Maria Freitas Belo hateten ba estudante sira iha EBC Suai Loro.

Governante ne’e dehan, iha tipu Vasina oi-oin maibe Timor Leste uza tipu vasina AstraZeneca,Sinovaks no Prizer, ida ne’e Governu Timor Leste la sosa maibe apoiu hosi nasaun Kolega sira.

Ha’u husu ba alin sira labele tauk atu simu vasina ne’ebé mak iha tanba vasina sira organizasaun saúde mundial kontrola ona, labele fiar Informasaun vasina expira ona, ita asegura nia kualidade ne’ebé di’ak, Governu Lori vasina mai la’os atu fo moras ba imi, maibé ho objetivu ida atu imi nia moras bele di’ak no imunidade forti hodi hasoru Covid-19 no alin sira remata eskola Sekundáriu tenke iha kartaun vasina ne’e sai hanesan kritéria.” dehan Guvernante

Directur EBC Suai Loro Francisco Gonçalves Babo hateten, estudante iha EBC Suai loro na’in 100 resin mak atu simu vasina Pfizer dose dahuluk. Maske antes ne’e Eskola fo ona dadus Estudante neebe atu Simu Vasina Hamotuk 236 ba servisu Saude Munisipal.

Tuir dadus ne’ebé ami fó, estudante na’in 236 mak atu simu vasina maibe ohin estudante na’in 100 resin mak simu vasina Pfizer ba dose dahuluk,” nia informa

Observasaun Jornalisra RCCT, Aleinde estudante sira simu Vasina Pfizer doze dahuluk, iha mos Profesór na’in 34 mos simu Vasina ba doze datoluk nian.

Entretantu, durante Vizita Covalima Ministra Saúde halo vizita ba eskola sira hanesan EBC Suai Loro, Eskola Tékniku Vokasionál Akar laran no prizasaun Suai iha Aldeia Tabakolot no halo Vasinasaun ba Estudante sira.

Jurnalista : Alito de Jesus

Editor       : Chamot Nahac