Covalima (RCCT) 21-07-21 Relasiona ho Sentru Saúde iha Postu Administrativu balun iha Municipio Covalima nebe difisil atu transporta pasiente mai iha Ospital Referal Suai tanba la iha kondutores Ambulansia atu lori pasiente mai iha Ospital Referal Suai, Diretur Servisu Saude Covalima informa sei halo rekrutamentu ba kondotor foun hodi troka kondotor nebe mka rezigna ona ann, Maibe MS iha Planu nafatin sei aloka tan karteta ambulansia mai covalima hanesan Ministra Saúde (MS) Odete Maria Freitas Belo dehan iha nia intervista ho Jornalista sira iha Kampo ladi Suai Qurta Feira ohin,
Ministra Odete dehan Tinan ne’e Ministério Saúde sei aloka tan Ambulânsia ha’at (4) mai iha Municipio Covalima, tanba ne’e Ministra Odete husu ba Diretor Servisu Saúde Municipio atu halo gestaun nebe di’ak hodi halo atendimento nebe di’ak ba pasiente sira mak hela iha area rurais.
Lia hirak ne’e hato’o iha Kuarta-Feira (21-07) ohin iha Kampu Futebol Ladi Postu Suai Municipio Covalima bainhira remata actividades Marsa Saudável.
“ Tinan ida ne’e ita hetan apoio ambulansia lubuk ida, bainhira ita sosa ambulansia entaun ita koloka kedas ba iha Municipio ida-idak depende ba sira nia nessesidades, nebe mai iha Covalima tinan ida ne’e ami aloka ambulansia 4, oinsa maka Diretor sira halo gestaun nebe maka di’ak atu bele fo atendimento ba komunidade sira, tanba importante ema mak moras ne’e tenki lori mai lalais Ospital ” Ministra Saúde dehan.
Liga ho asunto ne’e Diretor Servisu Saúde Municipio Covalima Filipe Pereira Lemos haktuir, iha Municipio Covalima, kareta ida deit nebe mak durante hodi atende ba Sentru Saúde iha Postu rua (Fatululik no Maukatar), maibe kada Sentru Saúde iha Postu seluk iha ona Kareta atu tula pasiente, maibe kondutor ba Ambulânsia balun maka resigna an tanba ne’e tempo badak sei halo kontratu foun.
“ Uluk ne’e ita iha Ambulânsia kada Postu Saúde nebe kondutor mos kada Sentru Saúde, tanba agora dadaun ne’e Kondutor Suai ho Maukatar nian ne’e rezigna’an ona, sai buka fali serviasu seluk, agora ha’u informa ona ba Diretor Geral no nia orienta ona atu halo rekrutamento foun, nbe tempo badak sei halo rekrutamento, depois iha Covalima ne’e Postu Fatululik ho Maukatar maka seidauk iha Ambulânsia, nebe so kareta ida deit maka ita koloka ba iha Postu rua ne’e ” Diretor Servisu Saúde Munisi covalima ne’e hakotu.
Enkuanto kada Sentru Saúde sira iha Postu Administrativu 5 maka iha ona kareta Ambulânsia, maibe dadaun ne’e iha deit kareta ida maka atende ba Postu rua mak hanesan Fatululik no Maukatar.
Nune’e mak relasiona ho Ambulânsia nebe maka iha maibe dadaun ne’e iha Servisu Saude Covalima infrenta menus kondutor tanba iha Sofer balu rezigna ona an, tanba ne’e Diretor Servisu Saúde Covalima dehan tempo badak sei halo kontratumentu foun ba Kondutor Ambulansia iha Covalima.
Jornalísta : Tynho Gusmão
Editor : Chamot Nahac
