Movimento illegal iha Fronteira sai risku atu hadaet Covid 19 mai Timor Leste

Covalima (RCCT) 28-01-21 Diretor Jeral Servisu Corporativo Marcelo Amaral iha nia deskursu hateten, movimento illegal iha linha fronteira hafasil atu hadaet covid 19 mai Timor-Leste, tamba ne’e fasil atu atende komuidade sira ne’ebe halo movimento legal, maibe susar atu atende movimento komunidade sira ultrapassa iha linha fronteira liu husi dalan illegal.

Diretor Marcelo Amaral ne’e iha nia deskursu konsidera kazu ba movimento ilegais hanesan ameasa bot ba Nasaun Timor-Leste husi moras Covid 19, tamba ne’e nia husu ba Komunidade iha fronteira atu utiliza meios ida hanesan agente Fronteira atu ne’e bele deteta lalais komunidade nebe maka halo movimento illegal.

“ Kazu illegal ne’e sempre akontese, maibe oinsa maka ita jere situasaun ida ne’e, nebe husu ba Sefe Aldeia ho nia Komunidade sira iha ne’e, atu utilize hanesan agente ida, depois halo planu vijilansia ida iha area ne’e, depois imi autoridade sira iha ne’e maka tenke enkoraja bebeik ita nia komunidade sira, tamba buat sira liu husi ita komunikasaun hotu ” Diretor Jeral Servisu Corporativo Marcelo Amaral ne’e dehan.

Entertanto iha enkontru ne’e partisipa husi Ekipa saude sira husi kuarentina,no inspector jeral saude, no Diretor Nasional Controlu doença, ho mediku sira iha Covalima, no Alfandega Postu integrado Salele, no Autoridade seguransa sira.

Jornalista : Tynho Gusmão
Editór       : Chamot Nahac