Covalima ( RCCT ),Diresaun Transporte Terrestre ( DTT ) Municipio Covalima sei hala’o Exame Pratika Tama Roda ba Motorista sira nebe mak liu ona Exame Eskrita iha Fulan kotuk (11/10)
Ba Jornalista Diretur Diresaun Transporte Terrestre ( DTT ) Municipio Covalima Joaquin Gusmão iha nia intervista hateten Segunda loron 08-11-21 to’o loron Kuarta 17-11-21 DTT Municipio sei hahu hala’o Exame ba Motorista sira nebe mak pasa ona teste eskrita atu hetan karta kondusaun.
“ Tuir Planu husi Diresaun Transporte Terrestre ( DTT ) Municipio Covalima iha loron Segunda loron 08-11-21 to’o loron Kuarta 17-11-21 hahu ona fo Exame ba Motorista Rihun Ida Atus Walu Ne’en Nulu Resin Ne’en ( 1.866 ) iha Kampu Futebol Ex SMP II, kada loron DTT atende Motorista Atus Lima ( 500 ) hodi fo Exame paratika tama roda, antes ne’e mos halo ona komfirmasaun ho Administrador Municipio Covalima Francisco de Andrade kona ba fatin nebe mak atu fo teste pratika ba Motorista sira ” Informa Diretur DTT Covalima Joaquin Gusmão.
Diretor Joaquim hatutan Estudante barak mak la iha ona oportunidade atu tuir Exame ida ne’e tanba estudante sira fila ona Kapital Nasaun Timor Leste-Dili hodi hodi kontinua sira nia estudu.
“Estudante sira barak mak la konsege ona tuir Exame pratika tama roda ne’e tanba sira ba ona Kapital Dili hodi tuir sira nia Estudu, relasiona ho ne’e, DTT Covalima sei halo komfirmasaun fali ho Diresaun Nasional Transporte Terestre atu fo tempu fali ita nia estudante sira nebe eskola iha Dili bele tuir fali teste iha Nasional maibe ita nia estudante sira la bele haluha lori sira nia resivu pagamentu nebe mak sira selu ona iha Banco ne’e hanesan evidensia ida ” Tenik Diretur DTT Covalima Joaquin Gusmão.
Entertantu Tuir Diretor Transporte Terrestre ( DTT ) Municipio Covalima Joaquin Gusmão hateten antes ne’e fo sai ona avizu ba motorista sira atu tuir Exame Pratika tama roda iha Kampu Futebol Ex SMP II, Tamba ne’e husu ba Motorista sira nebe mak liu ona Exame eskrita bele partisipa iha loron nebe mak DTT determina ona.
Jornalista : Saturnino Soares
Editor : Chamot Nahac
