Covalima (RCCT) 07-09-2021 Relasiona ho Situasaun Sérka Sanitária iha Munisipiu Covalima maka Tersa-Feira ohin (07/09) Ministro Justiça (MJ) Manuel Cárçeres da Costa hateten ba dadaur katak durante Ambitu Covid-19 Familia Prijioneirus seidauk bele vijita, tanba konsidera Covid-19 ne’e ema husi liur maka lori tama ba prijaun laran.
“ Ha’u hakarak fo hatene ba imi, durante Situasaun Covid-19 nia laran imi nia Familia sira la bele mai vijita imi lai, tamba moras ida ne’e ema husi liur maka lori tama mai iha ne’e, la’os ha’u lakoi imi nia Familia mai iha ne’e, tanba ita hare situasaun nebe maka ita enfrenta hela agora ne’e, nebe imi atu hirus karik hirus maka Ha’u, labele hirus imi nia Familia sira “ Ministru ne’e dehan ba Prijioneirus Sira.
MJ mos Informa ba Prijioneirus sira katak, Bainhira Situasaun ne’e normal hikas maka Familia bele halo vijita Prijioneirus sira iha Prijaun Suai.
Entretantu dadaun ne’e Ministru da Justica orienta ona Diretor Prijaun Suai atu la bele atende Familia sira nebe maka atu halo vijita ba Prijioneirus sira iha Prijaun Suai durante ambitu Covid-19, atu nune’e la bele mosu tan Kazu positivu ba Covid-19 iha Prijaun Suai.
Jornalísta : Tynho Gusmao
Editor : Chamot Nahac
