Covalima(RCCT) 06-08-21, Mikroleta Celvia Amor ho sapa matrikula 38.506 TL. nebe mak durante ne’e halo operasaun Suai-Salele Baku Fila iha Area Beremetan, Salele Bo’ot Suco Lalawa, Postu Administrativu Tilomar rezulta estudante mane Ida husi Escola Baziku Central (EBC) Salele Obrigado tenki hakotu ninia Jornada iha Mundu .
Tuir Informasaun Nebe Mak RCCT Asesu husi komunidade Mane ida nebe Mak lakohi fo sai Nia naran iha fatin akontesementu, Komunidade Mane (Sasin) hateten motorista ho kareta ne’e halai ho veilosidade nebe mak as tan ne’e mak la iha ona biban atu kontrola wainhira to’o iha Kurzamentu.
“to’o iha dalan kurva Ida ne’e labele ona atu redus ne’e mak hodi halo kareta halai ba Mai no hodi baku Fila iha Fatin Ida ne’e, no Fatin Ida ne’e mos desde uluk kedas kona ba akontesementu Sira hanesan ne bebeik ona” Katak Komunidade nebe lakohi temi sai nia naran ne’e.
Komunidade ne’e mos Konta depois hare mikroleta Celvia Amor baku fial komunidade tenta ajuda kedas hodi salva pasajeirus ebe maioria mesak estudante husi EBC Salele.
“Depois kareta ne’e baku fila, kareta ne’e hanehan labarik Sira no Ami hare halai kedas Mai Hader kareta ne’e atu nune bele hodi Salva labarik estudante Sira tanba iha kareta laran ne Mesak estudante deit no Ami Hader tia kareta ne Ami bolu kedas ba iha ambulansia atu nune bele Mai foti lalais estudante Sira ba iha hospital, Maibe iha estudante Ida Mak ho naran Jacob cardoso ho idade 16 hare ba Nia Mak Grave Liu nemak molok ambulansia to’o iha Fatin akontesementu ne’e Nia hakotu Nia is kedas iha Fatin ne’e” Tanik Komunidade (sasin) nebe lakohi fo sasin nia identidade ba Jornalista.
Engkuantu tuir informasaun nebe Jornalista RCCT Asesu iha terenu estudante hamutuk Ema na’in 20 resin mak baku fila ho mikroleta Celvia Amor nebe mak rezulta estudante nain ida obrigado tenki lakon vida no nain 3 seluk ho kondisaun grave nebe baixa iha ospital referal suai no sira seluk nebe kanek kaman isin lolon no balun hetan tohar iha Ain no liman baixa iha Postu Saude Salele Tilomaar.
Iha Sorin seluk to’o notisia ne’e hatun Jornalista RCCT Koko hakbesik ba iha inan aman hosi matebian Jacob Maibe matebian Nia aman rasik labele fo informasaun
tanba tuir matebian Nia aman dehan Agora dadaun buat Hotu – Nia hanoin la hetan
Nomos Jornalista seidauk foti informasaun hosi parte polisia kona ba akontesementu ne’e tanba polisia Agora dadaun sei halibur informasaun kona impaktu husi akontesementu ne’e, maibe ba dadaun ne’e Sofer no Ajudante Mikroleta Celvia Amor Polisia Covalima halo ona evakuasaun hodi submete ba investigasaun.
Jurnalista. : Lito de Jesus
Editor : Chamot Nahac
