Covalima (RCCT) 20-11-21, Saudozu Alvaro Do Nascimento “Sesurai” halot ona iha nia uma oin, Aldeia Tabakolot, Suco Debos, Postu Administrativu Suai ,Municipio Covalima Maibe sei Nafatin iha Responsavelidade husi Governu Timor Leste.
Ministru dos Assuntu Kombatente Libertasaun Nasional (MAKLN), Julio da Costa “Meta Malik” hato’o afirmasaun ne’e wainhira partisipa iha Serimonia halot Saudozo iha Nia uma oin Sexta (19/11)
“ Saudozo halot iha nia uma oin hanesan provisorio deit sei hasai nia tau iha fatin ida ne’ebé ema Veteranu sira merese atu halot ba” Meta Malik Dadehan.
MAKLN Meta Malik esplika maske Saudozo fila ona ba Mundu seluk maibe wainhira sei moris nia husik hela mensajem simples ne’ebé sai hanesan momeria ida.
“Maske ohin loron Nia la iha ona maibe nia sei moris husik hela mensajem sira nebe mak simples husik hela mai ita, maneiras sira ne’ebé iha passadu ita ida-idak hodi ko’alia pasa ho nia maibe ne’e sai hanesan momeria ida mai ita” dehan Ministru Kombatente Libertasaun Nasional “Meta Malik”
Meta Malik mos husu Vetenarus sira atu hamutuk sai Unidade nune’e bele fo solusaun ba buat hot-hotu.
“Primeiro lugar ha’u husu ba Veteranus hotu atu hamutuk sai forsa ida hodi sai unidade ida tanba unidade bele fo solusaun ba buat hotu” tenik Meta Malik
Entretantu molok halot iha Fatin ikus, Familia no Veteranu lori Saudozo Sesurai ba vizita Sede Konsellu Veteranu Municipio Covalima hafoin lori ba Igreja Ave Maria Suai hodi Selebra Misa Requem ba Saudozo Alvaro do Nascimento “Sesurai”
Jornlista : Aje Ferreira
Editor. : Chamot Nahac
