Covalima (RCCT) 09-11-21, Ministerio Ensino Superior, Siensia no Kultura hamutuk Universidade Nasional Timor Lorosa’e (UNTL) dezamina informasaun ba Diretór Escola no Autoridade Suco sira iha Municipio Covalima kona ba estudante finalista tinan akademiku 2022 ne’ebé atu asesu ba UNTL.
“Ohin ami halo Dezaminasaun Informasaun kona ba estudante finalista 2021 atu asesu ba UNTL bazea ba diploma Ministerial, implementa atu asesu ensinu superior publiku nian liu-liu ba UNTL no Institutu Politekniku Betanu (IPB) Manufahi” Dehan Xefe departamento Kurikulu Nasional ensinu Superior Ancelmo Xavier
Xefe Departemento Kurikulu Nasional Ensino Superior Salienta, Bazeia ba Diploma Ministerial Numero 58/2021, 16 Augustu, asesu ba ensinu Superior Publiku (UNTL no IPB) tinan akademiku 2022 fahe ba rejime jeral no rejime espesial.
“Rejime jeral ba kandidatu sira ne’ebé remata ensinu Sekundariu iha tinan akademiku 2021 no realiza ezame nasional husi Ministeriu Edukasaun Juventude no Desportu (MEJD), Rejime espesial ba kandidatura sira iha kondisaun espesial hanesan oportunidade, Veteranu sira,Veteranu ka Martir sira nia oan no kbi’it la’ek nia oan, katak Ancelmo Xavier
Iha fatin hanesan Diretór Servisu Edukasaun Covalima Edmundo Perreira agradese ba Ekipa Nasional ne’ebé dizamina Informasaun ba autoridade lokal atu asesu ba UNTL
“Ita agradese ekipa MESSK hamutuk ho UNTL mai dizamina Informasaun kona ba estudante finalista 2021 iha oportunidade ida ne’e tanba tinan tinan prosesu atu asesu ba UNTL inan aman sira seidauk iha kuñesemetu ikus mai hodi ema barak la hola parte iha prosesu selesaun asesu UNTL no IPB” hateten Diretur Servisu Edukasaun Covalima Edmundo Pereira
Entretantu realiza Sorumutu ne’e iha Salaun Edukasaun Municipio Covalima.
Jornalista : Aje Ferreira
Editor : Chamot Nahac
