MESCC Avalia UNPAZ Ramu Covalima Tuir Kadernu Padraun 11 Indikador 57 Ba Lisensa Operasaun

Covalima (RCCT)21-11-22–Ministeriu Ensinu Superior Siensia no Kultura (MESCC-Sigla Posrtugues) liu husi ekipa avaliador halo Avalisaun pre-liminariu ba Universidade da Paz Ramu Covalima konaba dokumnetu oprerasaun liu liu kadernu padraun husi Ministeriu ensino superior nian.

Reitor UNPAZ, Adolmando Soares Amaral Informa, Ministeriu Ensino Superior Siensia no Kultura halo Avaliasaun ba UNPAZ Ramu Covalima, bazea ba Proposta  ne’ebé  UNPAZ submete ba Ministeriu atu avalia padraun akreditasaun husi ensino superior nian hamotuk 11 ho indikadores 57. 

“Ministeriu mai halo avaliasaun ne’e bazeia ba Proposta ne’ebé ita submete, sira mai halo avaliasaun, kontinua halo side visit depois mak rekomenda ba minsiteriu para bele autoriza ezistensia kampuz ramu UNPAZ iha Covalima, ohin ita argumenta proposta” informa Reitor UNPAZ, Adolmando Soares Amaral, ba Jornalisra sira iha resinto UNPAZ Ramu Covalima, Segunda (21/11).

UNPAZ haruka Proposta ba MESCC husu autorizasaun ba Padraun Akreditasaun 11 indikador 57, nune’e ekipa avaliador mai konfirma iha terenu no hare direta kondisaun minimu sira mak UNPAZ investe ona iha Kapusz Ramu Covalima.

“Ita haruka ona proposta, ita priense tuir padraun akredisaun 11 no hatan ba indikador 57 ne’e, agora sira mai atu konfirma buat sira ne’ebé ita formula iha proposta ne’e hanesan ka lae iha terenu, ohin avaliador sira sei diskusti strutura, aban sei kontinua halo side visit hodi hare kondisaens minima sira ne’ebé ita investe iha kampuz ramu Covalima ne’e,” tenik Reitor UNPAZ

Iha fatin ne’e, Kordenador ba Ekipa Avaliador husi Ministeriu Ensino Superior ba UNPAZ Ramu Covalima, Paulino Ribeiro informa iha nia Intrevista dehan,  MESCC sei hasai lisensamentu Operasional ba UNPAZ Ramu Covalima durante tinan 2 no remata sei bele avansa ba akreditasaun institusional no kontinua ba akreditasaun programatiku, wanhira UNPAZ Ramu Covalima pasa iha avalisaun Pre-liminariu ne’ebé hatudu rezultadu di’ak.

Maibe UNPAZ sei hapara Proviziru aktividade wainhira rezultadu avaliasun husi Ministeriu Ensino Superior ne’e hatudu rezuldutu Negativu.

“Avaliasaun Pre-limininariu ne’e mak komprova hotu ona, maka ministeriu sei hasai lisensiamentu operasional, avaliasaun ne’e mak hatudu rezultadu ladun di’ak maka Ministeriu mos sei hasai dezisaun ba UNPAZ Ramu Covalima sei taka Provizoriu, ida ne’e depende ba rezultadu husi ekipa avalidor mai hare ne’e,” Kordenador ba Ekipa Avaliador husi Ministeriu Ensino Superior ba UNPAZ Ramu Covalima, Paulino Ribeiro, esplika.

Antes ne’e MESCC liu husi Diresaun Jeral Ensinu Superior no Siensia Notisifika ona UNPAZ Ramu Covalima, ho numeru referensia 162/DGESC/MESCC/VI/2022 katak UNPAZ komete infrasaun ka iregularidade wainhira estabele klase paralela iha Suai, Vikeke, no Oecusse sein Lisensa Operasional husi MESCC liliu Diploma Ministerial no 13/2017, loron 8 fulan marsu, konaba regulamentu lisensiamentu ensino superior, nune’e mos ho despaixu Ministerial no 90/GM/MESCC/II/2020 konaba Kadernu Padraun lisensiamentu ba instituisaun superior sira.

“Los duni, momentu ne’eba halo notifikasaun, maibe sira submete ona dokumentu komprovativu ho Vizaun no Misaun, sira nia objetivu, no sira planu Stratejika entaun  Ministru hatun despaixu Diresaun Jeral Ensino Superior no Siensia, haruka mai ami tekniku atu halo verifikasaun ba dokumentu sira ne’e, fofoun sira la kumpri mai to’o ikus sira kumpri duni kadernu padraun ensinu superior ninian” tenik Paulino Ribeiro.

Reitor UNPAZ fiar no iha esperasaun bo’ot, depois avaliasaun UNPAZ Ramu Covalima sei hetan Lisensamentu Operasaun hodi hala’o atividade iha Munisipiu Covalima hanesan ho Kampus UNPAZ Sentral iha DIli.

Reportazen RCCT