Menus Rekurusu Humanu VPU Covalima la iha Biban Deskansa Maske Loron Feriadu

Letratu: Komandante Polisia Nasional Timor Leste (PNTL) Covalima, Super Intendente Polisia Basilio de Jesus/Photo RCCT: Jana Cardoso

Covalima (RCCT)04-08-22–Relasiona ho kazu violensia ne’ebé rejista as iha Covalima Polisia Nasional Timor Leste (PNTL) Covalima liu husi Seksaun Polisia Unidade Vurneravel (VPU-Sigla-Ingris) Covalima la iha tempu deskansa maeke iha feriadu.

Ba Jornalista sira Komandante Polisia Nasional Timor Leste (PNTL) Covalima, Super Intendente Polisia Basilio de Jesus hateten, tanba menus rekursu humanu atu koloka ba seksaun VPU mak obrigadu Polisia femenina ne’ebé responsaveliza iha seksaun VPU la bele hetan deskansa iha tempu feriadu.

Ita iha Covalima ita iha deit Polisia femenina no hetan apoiu na’in ida deit maibe numeru atendementu numeru violasaun sira ne’e kuaze kada semana iha hela deit no as tebes tanba ne’e ita nia serjentu ida iha seksaun ida ne’e nunka hetan ferias kualker tempo, tantu sabadu no domingu kunadu kazu sira ne’ebé ha’u temi ne’e akontese ha’u bolu nia tenki atende, tanba menus pesoal.” Katak Komandante PNTL Covalima, Super Intendente Polisia Basilio de Jesus hato’o iha Salaun kobek (kuarentina Suai) iha Ahi Narai Suku Debos, Kinta Feira ne’e (04/08).

Kazu ne’ebé as iha Covalima mak Violensia Domestika no Abuzu Seksual tanba ne’e Polisia Femenina liu husi Seksaun VPU kada loron sempre halo atendementu ba kazu Violensia sira ne’e.

Ita nia kazu ne’ebé mak as liu mak kazu Violensia Domestika no abuzu seksual maka’as liu ba labarik minoridade, tanba ne’e, kuaze Polisia Femenina ne’ebé koloka ba iha seksaun ne’e loron loron atende resolve problema ne’ebé mak relasiona ho asaun violensia no krimi sira” Super Intendente Polisia Basilio de Jesus hato’o iha Salaun kobek (kuarentina Suai) iha Ahi Narai Suku Debos, Kinta Feira ne’e (04/08).

Entretantu komandante PNTL Covalima iha esperansa, ba futuru bele aumenta tan pesoal ba iha seksaun ne’e hodi bele aselere atendementu ne’ebé lalais liu no diak liu atan.

Jornalista : Jhana Cardoso

Editor : Chamot Nahac