Membru PNTL Covalima hahu Simu Vasinasaun Astrazaneka ba Daruak

Covalima (RCCT) 14-06-21, Hafoin Ekipa Saude Municipio Covalima, halo Vasina AstraZaneka dahuluk ba Membru PNTL Covalima, iha Fulan Marsu liu ba, maka Segunda Feira ohin (14-06-) Ekipa Saude hahu kontinua halo Vasinasaun AstraZaneka faze daruak ba Membru PNTL sira iha Covalima.

Ba Jornalista Comandante PNTL Municipio Covalima Super-Intendente Polisia Antonio Maria de Sa haktuir, Simu Vasinasaun ne’e hanesan abertura ba fase daruak nian, maibe nia parte seidauk bele fo sai dadus ba Membru nebe maka simu ona Vasina ba faze daruak nian, tanba sei iha prosessu nia laran.

” Ohin ne’e abertura segundo faze nian, nebe Ha’u seidauk bele fo sai dadus ba Membru nebe maka simu ona, tanba iha komando ne’e por Volta 70 e tal, depois ho eskudra Hitu ne’e, sira ne’e hamutuk maka 150 ne’e, tanba iha komando foin mak hahu, maibe Ita seidauk hatene dala ruma balu moras ruma karik itu isin rua ruma ita seidauk hatene, nebe dadus ha’u seidauk bele fo sai, remata maka Ha’u bele fo sai” Dehan Komandante PNTL Municipio Covalima.

Komandante ne’e dehan Vasina ne’e depende ba konsiensia ema ida-idak nian, no sei hare mos kondisaun.

“Vasinasaun sei targeto ba Linha Frente sira, maibe ema Ida-idak nia konsiensia, nomos sei hare ba Ema Nia kondisaun, dala ruma balu iha moras, depois Linha Frente ne’e hotu maka ba Ita Nia Komunidade Sira” Komandante Polisia Covalima Esplika.

Comandante Antonio dehan, PNTL Municipio Covalima sei assegura situasaun Siguransa ba mediku sira, atu nune’e Sira bele hala’o Sira Nia servisu ho di’ak, hodi nune’e Komunidade Sira bele iha konsiensia hodi tuir Vasinasaun ne’e.

Jornalista : Tynho Gusmão

Editor      : Chamot Nahac