Covalima (RCCT) 11-11-21, Membro Rede nebe Servisu ba Asuntu Feto no Labarik husi Municipio Covalima halo Vizita Traballu ba Membro Rede Sira iha Covalima hodi halo Enkontru Kortezia hodi partilla informasaun konaba prestasaun servisu ne’ebé mak membru Rede husi Municipio hala’o ona durante ne’e.
Ko’alia ba Jornalista sira Diretor Centro Solidaridade Sosial Municipio de Baucau,Guido Ricardo Belo hateten, liu husi vizita ne’e mos atu halore ba malu kona ba dezafius nebe membru rede husi municipio rua ne’e infrenta, tanba liu husi sasidik ne’ebé iha foin bele mellora di’ak liu tan servisu Rede nian Relasiona ho Promosaun no Protesaun ba Feto no labarik iha Timor Leste.
“ Vizita Kortezea Membrus Rede Municipio de Baucau mai Municipio Covalima atu partilha informasoens ligado ho prestasoens servisu ne’ebé mak durante ne’e Rede Municipio rua ne’e hala’o, no mos dezafius lubuk ida ne’ebé hasoru hodi partilha ba malu, hodi bele hadi’a no melhoria ba preokupasoens sira ne’ebé mak durante ne’e Municipio rua ne’e infrenta, ida ne’e hanesan meius aprosimasaun ida ne’ebe bele reforsa instituisional nian, liu husi mekanismu servisu entre Rede servisu husi Municipio Baucau no Covalima iha ambitu promosaun, prevensaun no mos protesaun ba feto no Labarik ” Diretor Centro Solidaridade Sosial Municipio Baucau,Guido Ricardo Belo Quarta Feira (10/11)
Diretor Centro Solidaridade Sosial Municipio de Baucau Quido Ricardo Belo fundamenta Vizita ne’e iha ligasaun ho komemorasaun loron Nasional ba Feto ne’ebé Selebra iha loron (08/11) liu ba.
“ Atividade ne’e ita hala’o ligasaun ho komemorasaun loron Nasional ba feto sira ne’ebe ke selebra iha loron 08 –11– 21 liu ba, ne’e hanesan parte ida promove mos direitu feto sira ne’ebe durante ne’e, husi Governu, Estadu no Sosiedade Civil rasik preokupa ho ida ne’e ita buka meius hotu – hotu atu fortifika mekanismu de atendementu no promosoens ne’ebe ke diak ba feto maluk no mos labarik sira ” Tenik Diretor Centro Solidaridade Sosial Municipio de Baucau,Quido Ricardo Belo.
Enkuantu Diretor Centro Solidaridade Sosial Municipio Baucau Quido Ricardo Belo informa Ministeriio Solidaridade Sosial no Inkluzaun ( MSSI ) mak hanesan na’in ba Rede servisu ba feto ne’ebé hari’i iha Timor Leste, ho Rede hirak ne’ebé hari’i ho nia objetivu atu Promove Feto maluk ho labarik sira hotu-hotu atu hetan Direitu hanesan ho ema seluk iha ita nia Nasaun Republika Demoktatika Timor Leste ( RDTL ).
Entretantu Sorumutu ne’e hala’o iha Quarter Jeran PNTL Covalima, nebe Partisipa husi Membru Rede Sira husi Municipi Rua, Baucau no Covalima Quarta Feira (10/11)
Jornalista : Saturnino Soares
Editor : Chamot Nahac
