Covalima (RCCT) 19-05-21, Bazea ba despaixu husi Ministerio da Edukasaun Nu 29lGm MEJD/4/2021 hodi suspende atividade ensino Aprendizazen iha Municipio Covalima hahu husi loron nebe maka despaixu ne’e hatun no sei remata iha loron 30 de maio 2021.
Tanba ne’e Diretur Servisu Edukasaun Municipio Covalima Edmundu Ferreira Afirma, relasiona ho Sikular nebe mak Administrado Hasai no tanba ne’e Edukasaun Municipio Covalima hato’o ba Dirasaun Nasional hodi esplika natureza de Sikular ne’e maka Ministerio Edukasaun foin hasai Deipaixu 29lGm MEJD/4/2021 hodi suspende Provizoria Ensino Aprendizazen iha Municipio Covalima.
“Basea sirkular husi Administrador Municipio Covalima ba iha edukasaun Municipio no hodi hato’o ba ih diresaun nasional katak atu suspende atividade eskolar hotu iha Municipio nemak hetan ona despaixu katak atividade eskolar sei suspende to iha loronn 30 de maio 2021, no ida ne’e La’os segnifika katak estudante sira feriadu maibe sira halo eskola hanesan eskola ba uma no sira bele asesu liu husi kanal televisaun nomos Radio.” Directur Edukasaun Edmundu Fereira iha nia Knar fatin kuarta feira (19-05)
Edmundu dehan Programa eskola ba uma ne’e dala barak mos difikulta estudante sira tanba estudante sira balun la iha televisaun nomos balun la mos iha ka la uja telefone atu hodi asesu ba iha informasaun.
“Ita iha maneiras ida Kona ba eskola iha uma nebe ita kria GRUPO WhatApp atu nune’e estudante sira bele asesu liu hus GRUPO ne’e no Kona ba materia sira sei fo sai liu husi GRUPO ne’e no iha perguntas ruma karik sei responde mos liu husi GRUPO ida ne’e no sei korizi husi profesor/a sira no sei tau valor iha nemos” Tenik Edmundu
Inune’e Diretur Edukasuan Covalima ne’e mos Esplika, maneiras seluk maka profesores/a sira uja iha uma lori hanorin estudante sira kada kada loron ema na’in 10 tanba hare ba iha distansia sosial atu nune labele kontra regras husi organizasaun mundial.
“Iha mos maneira seluk maka hanesan profesores sira atu hanorin iha uma no hodi halibur estudante sira mais menus ema na’in sanulu kada loron tanba ita labele halibur liu husi nain sanulu ba keren” Edmundu Esplika
Nune’e mos Directur Edukasun Municipio Covalima Edmundus Fereira nafatin husu ba Inani/Aman estudante atu nafatain halo kontrola ba oan sira atu nune sira bele nafatin estuda iha uma.
Jornalista: Lito de Jesus
Editor : Chamot Nahac
