MEJD-Suspende atividades eskolar iha Munispio Covalima to’o 10 de Setembro 2021

Covalima ( RCCT ) 01-09-21 Tamba ho numeru kazu pozitivu moras Covid-19 sa’e maka’as iha Munisipio Covalima husi Ministerio Edukasaun Juventude no Desportu hasai despaixu hodi suspende atividades eskola iha Covalima.

Diretor Edukasaun Munisipio Covalima Edmundus Pereira informa ba jornalista Radio Cova Taroman dehan Governu Implementa Serka Sanitaria ba Munisipio Covalima tamba ho numeiru kazu pozitivo nebe sa’e maka’as, ho ida ne’e Ministerio Edukasaun Juventude no Desportu ( MEJD ) hasai despaixu hodi suspende atividade eskolar iha Covalima.

Governu hasai Despaisa Serka Sanitaria ba Munispio Covalima relsioana ho kazu Pozitivu moras Covid-19 sa’e maka’as iha Covalima, ho ida ne’e mak husi MEJD hasai despaixu hodi suspende atividade escolar hahu husi loron 26 fulan agustu to’o loron 10 fulan setembro tinan ne’e ” Informa Diretor Edukasaun Munisipio Covalima Edmundus Pereira.

Relasiona ho suspesaun atividades eskolar iha Munispio Covalima ne’e, Diretor Eskola Sekundaria Geral Publika de Suai ( ESGP ) Francelino Freitas de Carvalho hateten problema nebe mak durante ne’e ami infreta iha eskola mak difisil atu kontrolu distansiamentu Fiziku tamba numeiru estudantes no professores sira barak liu.

Problema bo’ot nebe mak ami infreta iha Eskola ne’e mak menus kontrolu kona ba distansiamentu fiziku tamba numeiru estudante no professor ho professora sira barak liu iha eskola ida ne’e, maibe husi eskola sempre fo hanoin estudantes, professor ho professora sira kona ba distansiamentu fiziku no mai eskola tenke uza maskra, antes tama area eskola nian tenke fase liman uluk mak bele tama liu area eskola nian,” Dehan Diretor ESGP-Suai Francelino Freitas de Carvalho.

Nune’e mos Tuir Diretor Edukasaun Munisipio Covalima hateten husi Ministerio Edukasaun Juventude no Desportu fo sai despaixu suspensaun atividades eskolar iha Munispio Covalima hahu husi loron 26 fulan Agustu to’o loron 10 fulan Setembro tinan ne’e .

Jornalista : Saturnino Soares

Editor     : Chamot Nahac