MEJD kontinua suspende atividades Ensinu apredizasem iha Covalima Durante Semana rua.

Covalima (RCCT) 04-06-21, Edukasaun Municipio Covalima labele reativa Ensino aprendisazem ba Estudante Finalísta sira iha Covalima, tanba Ministério Edukasaun Joventude no Desportu (MEJD) kontinua hatun despaicho atu hodi suspensaun ba atividades Ensinu aprendizasem ba Estudante sira hotu, husi Ensino Primário to’o Sekundário inklui ho Téknika Vokasionál.

Diretor Edukasaun Municipio Covalima Edmundo Ferreira iha intervista hateten, iha Loron Kuarta-Feira ne’e (02-06) Ministério Edukasaun Joventude no Desporto (MEJD) hatun ona despaixu hodi kontinua suspende atividades Ensino aprendisazem ba Estudante sira husi Dia 02 to’o Dia 15 fulan ne’e, tanba ne’e planu atu reativa ensino aprendisazem ba Finalista sira iha Covalima labele implementa.

 “ Foin dadauk ami enkontru hodi deside atu reativa eskola ba Estudante sira, maibe iha loron kuarta lokraik foin dadauk ne’e, Ministério Edukasaun hatun ona despaixu, nebe planu ne’e ita labele halo tanba Ministério kontinua suspensaun atividades ensino aprendisazem husi Pre-Primária to’o Sekundario ho Tékniku vokasional, ba to’o loron 15 fulan ne’e ” Dehan Edmundo.

Edmundu dehan Suspensaun aktividade eskolar ne’e sei termina iha Dia 15 fulan ne’e, no Ministério Edukasaun maka bele foti desizaun, maibe depende ba número positivu covid 19 iha Municipio Covalima.

“ To’o loron 15, bainhira atu kontinua Suspensaun ka oinsa, ida ne’e Ministério Edukasaun maka bele foti desizaun, baseia ba númeru positivo Covid 19 iha Covalima ne’e aumenta ga nafatin redus ” Tenik Diretur Edmundu

Diretor Edukasaun Municipio Covalima konsidera, Situasaun ida ne’e fo difikuldade bo’ot ba estudante sira, liu-liu ba sira nebe Finalista, tanba ne’e nia husu ba Estudante sira atu estuda deit matéria nebe maka professor sira fahe ba Sira.

Jornalísta : Tynho Gusmão

Editór : Chamot Nahac