Covalima (RCCT) 04-02-22, Ministru Edukasaun Juventude no Desportu (MEJD) halo lansamentu fatuk dahuluk konstruksaun Eskola Bazika Fillial (EBF) Laen Tolu iha Suro – Loro Postu Administrativu Suai Munisipiu Covalima.
MEJD Armindo Maia informa ba Jornalista sira iha seremonia lansamentu fatuk dahuluk iha Eskola Bazika Fillial (EBF) Laen tolu hateten lansamentu ne’e hanesan simbolikamente reprezenta eskola sanulu resin nen (16) iha Munisipiu Covalima ba projetu Komunitariu tinan ida ne’e.
“ohin halo lansamentu permeiru pedra ba iha EBF Laen Tolu, Suco Suai – Loro hanesan Simbolika reprejenta Eskola sanulu Resin Nen, ba iha projetu Komunitaria ne’ebé maka sei harii iha Munisipiu Covalima tinan ida ne’e(2022). Ministerio Edukasaun Juventude no Desportu tinan 2022 sei hari eskola hamutuk atus rua tolu ba iha projetu komunitaria iha Timor Leste laran Tomak” katak MEJD Armindo Maia
Governante ne’e hatutan fundu ba projetu Komunitaria harii EBF Laen Tolu ho montante orsamentu hamutuk dalares rihun atus ida rua nulu resin ualu Americano( $128.000) Dollar Amerikanu.
“ba fundu projetu Komunitariu EBF Laen Tolu ne’e ho montante orsamentu hamutuk dallar Amerikanu Rihun atus ida rua nulu resin ualu Americano( $ 128.000) eskola EBF laen tolu ne’e sei halo sala tolu ho Toilet ida no ami iha Tekniku engjeneiru na’in rua ida hosi Edukasaun Munisipiu no ida hosi eskola rasik” MEJD Armindo Maia hakotu.
Governu Aloka osan Atravez MEJD ba projetu Komunitariu hamotuk Miliaun rua nulu resin, no durasaun husi projetu Komunitariu durante fulan nen, nebe Tuir planu MEJD nian sei halo inaugurasaun ba Projetu Komunitariu hotu iha fulan Juñu ka Jullu Tinan ne’e.
Jurnalista : Lito de Jesus
Editor : Chamot Nahac
