MEJD hala’o lansamentu Sosializasaun matadalan ba aprendijazen Distansia ba Diretor Eskola Sira iha Covalima

Covalima (RCCT) 28-09-21, Ministeriu Edukasaun Joventude no Desportu (MEJD) hala’o lansamentu sosializasaun matadalan aprendijazen Eskola ba uma no tele eskola ba Diretor no kordenador Eskola sira.

Diretora Jeral Planu Politika Inkluzaun no Imprisaun Odilia Uns Martins Esplika ba professores sira dehan programa Sosializasaun ne’e atu fasilita Professor sira hodi bele aprende matadalan aprendizajen distansia.

“Programa ida ne’e atu bele fasilita Professor sira karik ita bo’ot sira haluha livru iha uma bele asesu liu husi Telemovel tuir materia nebe Professor sira iha, ohin ita hotu tenke konsentra ekipa sira atu halo esplikasaun detallu bainhara iha duvida ho programa ida ne’e ko’alia kona ba eskola distansia” Dehan Diretora Jeral planu politika inkluzaun no imprisaun, Odilia uns Martins

Ho ne’e Odilia Uns Mantins hatutan, maske Politika Governu nian Suspende prosesu Aprendizajen, Maibe Prosesu aprendizajen nafatin la’o iha uma.

“Iha Momentu neba ita infrenta ba Pandemia Covid-19 ho nune’e ita nia Governu ho Politikamente hodi Sispende Aprendisajen Eskola nian, maibe prosesu aprendizajen nafatin la’o iha uma tanba ne’e mak ita hamosu Programa Eskola ba Uma” tenik Odilia Uns Martins

Iha sorin seluk Diretor Edukasuan Municipio Covalima Edmundo Pereira dehan Area Edukasaun sofre iha situasaun ida ne’e,kompara ho setor dezemvolve sira seluk.

“Aktividade ohin ne’e atu halo sensibilizasuan matadalan ba aprendijazen diatasia relasiona ho ita nia situasaun difisil kuaze tinan rua ona hahu iha 2020 to’o ohin loron tanba imapaktu husi Pandemia Covid-19 nebe Ataka iha Mundo tomak no inklui Timor Leste, ho situasaun ida ne’e area Edukasaun sofre kompara ho setor dezenvolvimentu sira seluk” Hatutan Diretur Edukasaun Covalima Edmundo.

Entretantu Partisipa iha Lansamentu Sensibilizaun Eskola ba Uma ne’e Diretor Eskola Bazika Sentral 20, kordenador Eskola sira 21, no mos Eskola Bazika Filial hamutuk 62.

Jornalista : Aje Ferreira
Editor       : Chamot Nahac