Covalima (RCCT) 19-06-21, Eskola Sekundaria Tekniko Vokasional de Akarlaran hetan vizita ba daruak husi Ministru da Eduksaun no Desportu (MEJD) hodi observa kondisuan eskola bele aumenta kualidade iha esino sekundaria sira liu liu iha eskola sekundaria tekniko vokasional de akarlaran.
“Ha’u nudar Ministru hanesan segundu ves mai vizita iha fatin ida ne’e no iha ha’u mandatu ida ne’e ha’u hakarak atu halo buat ruma no iha ha’u nia tempo programa periodade liu mak hanesan oinsa mak atu eleva ka aumenta kualidade ensino Sekundaria Geral sira no Sekundaria Tekniko Vokasinal liu liu iha fatin ida ne’e tanba ita persija liu fo ba ita nia oan sira atu eskola tan ne’e direitu edukasaun ninian duni ho nune atu sai ema ida nebe mak hanesan lider nasaun ida ne’e ka ba iha rai ida ne’e persiza mos ema ida nebe mak iha kualidade nebe maka diak” Ministru da Eduksaun Armindo Maya.
Goverannte nemos dehan iha nia mandato Eskola Sekundaria Geral no Eskola Sekundaria Tekniko Vokasional sira iha Municipio hotu pelomenus iha eskola ida mak sai hanesan eskola refrensia.
“Iha ha’u nia mandato ha’u hakarak Eskola Sekundaria Geral no Eskola Sekundaria Tekniko hotu iha kada Municipio pelemenus sai hanesan eskola referensia atu nune’e bele motiva ita hotu no ba tinan 2022 ita tau osan sei hadi’a fatin ida ne’e no define ona sa ida maka ita atu hadi’a, infrastrutura saida maka periodade liu iha fatin ida ne’e tanba uluk iha tempo indonesia mos eskola ida ne’e furak tebes no agora tinan rua nulu resin ona maibe kondisaun eskola ida ne’e sei nafatin deit” Tenik Ministru Armindo Maia.
Ministru Edukasuan Armindo Maia mos dehan, atu lidera eskola ida persija ema nebe mak iha Edukasaun nebe di’ak no kualidade.
“Estadu tau osan ka hadia eskola mos hanesan deit sebainhira rekursu umanu menus ka ladi’ak tanba atu lidera eskola ida ka atu sai jestor ida persija ema ida nebe maka iha kapasidade nebe maka di’ak no ha’u nudar Ministru nebe maka tau matan ba eskola sira senti moe sebainhira eskola sekundaria sira kada tinan tuir izame nasional menus liu hodi hetan Prestasaun des miliores, tan ne’e mak iha hau’ nia mandato hakarak hadia” Tenik MEJD Armindo Maia.
Tuir Governangte ne’e hateten husu ba profesores no profesora sira atu serbisu hamutuk iha eskola ida ne’e atu nune’e bele hadia hamutuk saida maka iha eskola ida ne’e hakarak atu halo diak liu tan ba oin mai.
Jurnalista : Lito de Jesus
Edito : Chamot Nahac
