MEJD aloka Orsamento $.669.000 ba Programa merenda Eskolar iha Covalima.

Covalima (RCCT) 09-06-21 Quarta Feira ne’e Administrador Municipio Covalima hamutuk ho Diretur Servisu Municipal Edukasaun Municipio Covalima halo Enkontru ho Diretur no Xefe Gabinete apoio Tekniku sira husi Eskola hotu, atu nune’e bele implementa Programa Merenda Eskolar tuir matadalan.

Ba Jornalista Sira Diretur Servisu Municipal Edukasaun Municipio Covalima Edmundo Ferreira Informa, Orsamento ba Programa merenda Eskolar iha Covalima ba II trimestre hamutuk $.669.000, Tanba ne’e Diretur no Xefe Gabinete apoio Tekniku iha eskola hotu, tenke implementa Programa ne’e tuir nia mata dalan.

” Objetivo ohin Ami enkontru ne’e ho Diretor no Sefe Gabinete apoio Tekniku sira iha Eskola htu, Ami fahe informasaun ba Sira, konaba atu implementa Programa Merenda Eskolar II trimestre tuir matadalan, siknifika karik Orsamento iha Sira Nia Liman Estudante Sira loro-loron tenke Han, depois Orsamento Nebe maka iha labele ses husi Programa ne’e “

Enkuanto implementasaun Merenda Eskolar ne’e ba Loron 44, maibe sei parado tanba ho situasaun Moras pandemia Covid 19 iha Timor Leste.

” Ba trimestre Ida ne’e Ita planu ba Loron 44, maibe Programa ne’e sei parado hela, Tanba Ita Nia atividades Ensino Aprendizasem mos la La’o, se La’o karik agora Sira Han ona “ Edmundo dehan.

Liga ho Programa ne’e, Administrador Munisipio Covalima Francisco de Andrade deklara, Bainhira implementa Programa ne’e, sei Haruka Diretor Fiskalizasaun Munisipal hamutuk ho Inspector Sira sei halo auditorio ba Eskola hotu.

” Ha’u sei buka informasaun, depois Ha’u sei haruka Diretur Fiskalizasaun Municipal hamutuk ho inspektur sira sei halo auditorial ba Eskola hotu Bainhira implementa, tanba dala ruma Gabinete ho Diretur iha ona konflito nia laran siknifika iha ona Failansu” Dehan Francisco de Andrade.

Entertanto ba dadaun ne’e programa merenda eskolar seidauk bele implementa tanba ho situasaun Estado Emerjensia (EE) no Serka Sanitaria (SS) Eskola hotu seidauk iha atividades Ensino Aprendizasem.

Jornalista : Tynho Gusmao
Editor       : Chamot Nahac