Maukatar: Kampu Issar Bandeira Sei Mamuk maske Tuku 7 resin ona

Covalima (RCCT) 28-11-21, observasaun Jornalísta RCCT iha Kampu Issar Bandeira iha Postu Administrativu (PA) Maukatar sei mamuk maske tuku 7 resin ona.

Maibe tuir ajenda ne’ebe Jornalísta asessu katak Issar Bandeira Nasional hodi komemora Loron Proklamasaun da Independénsia ba dala 46 sei hahu iha tuku 9:00 Otl.

Maske Nune’e Xefe Matai Suco João Gusmão haktuir, Komunidade balun maka hela dok husi Villa Postu Maukatar, tanba Komunidade barak maka seidauk to’o mai iha fatin Issar Bandeira Nasional.

” Sim agora dadaun ita hare kampu laran sei Mamuk, tanba Komunidade iha suku no Aldeia balun maka hela dok husi Fatin ne’e” João dehan.

Xefe Suco ne’e esplika tinan ne’e la aloka orsamentu Transporte ba kada Suco hodi fasilita Transporte ba Komunidade sira ne’ebe dok husi Vila Postu Maukatar, tanba ne’e Komunidade maka iha ona konsiensia atu partisipa iha serimónia komemorasaun loron Proklamasaun Independénsia ne’e.

“Tinan ne’e la aloka orsamentu ba kada suku atu fasilita Transporte ba Komunidade sira ne’ebe hela dok ita bele lori mai iha ne’e, ne’ebe atu partisipa ou la partisipa ne’e depende komunidade sira” João informa.

Xefe Suco João ne’e dehan tinan uluk Komunidade sira partisipa masimu tanba alokal orsamentu ba kada Suco hodi Fasilita Komunidade sira ne’ebe hela dok lori sira mai partisipa iha Serimónia komemorasaun loron Proklamasaun Independénsia iha Postu Administrativu Maukatar.

” Uluk Komisaun sira aloka orsamentu ba suku hodi fasilita Komunidade lori mai iha ne’e, maibe agora Lae, ne’ebe konsiensia Komunidade sira nian karik atu mai partisipa iha serimónia ida ne’e” João dehan

Entretantu iha Postu Administrativu Maukatar hamutuk Suco ha’at (Holpilat, Matai, Ogues, Belekasak) ho total Aldeia hamutuk 22.

Jornalísta : Tynho Gusmão
Editor        : Chamot Nahac