Covalima (RCCT) 31-08-21, Servisu Meio Ambiente Munisipio Covalima husu ba komunidade sira iha Munisipio Covalima tenke iha konsiensia rasik, la bele soe foer arbiru iha fatin publiku.
Ba Jornalista RCCT Tecnico Diresaun Nasional da Cotrolo Polusaun ( DNCP ) iha Munisipiu Covalima Marcelino Moniz husu komunidade sira tenke iha konsiensia nebe di’ak hodi la bele soe foer arbiru iha fatin publiku no tenke soe foer iha lixu fatin.
“ Emnome husi sekretariado Meio Ambiente Munisipio Covalima haklarak hato’o ba komunidade sira iha Munisipiu Covalima, tenke iha konsiensia rasik hodi soe foer iha foer fatin ka fatin lixu fatin, atu nune’e parte saniamentu tula lori ba iha sentru Haemanu hodi sunu iha neba ” Dehan Tecnico DNCP Munisipiu Covalima Marcelino Moniz.
Macelino hatutan bain hira komunidade sira la iha konsiensia hodi soe foer arbiru iha fatin publiku no la hamos fatin nebe mak sira hela ba ne’e sei fo impaktu ba moras no hamosu inundasaun bain hira iha tenpu udan .
“ Se karik ita la iha konsiensia ne’be mak di’ak no foer sira nebe mak ita soe arbiru no la hamos uma uma oin sira ne’e nia impaktu bo’ot mai ita bain hira udan bo’ot tun rai bele hamosu inundasaun no fo impaktu moras mai ita nia Saude” Tenik Nia
Entretanto tuir Tecnico DNCP Munisipiu Covalima hateten durante ne’e nia hare komunidade sira barak mak iha konsiensia hodi soe foer iha fatin lixu no barak mos sei dauk iha konsiensia rasik tamba soe foer arbiru iha fatin publiku no la hamos sira nia uma oin nebe sira hela ba.
Jornalista : Saturnino Soares
Editor : Chamot Nahac
