Manuel: Menus Sala – Mestri hanorin Alunu EBC Katolika Fohorem iha Salaun Parokia

Diretór EBC-C Fohorem Manuel dos Santos/Foto RCCT Asato Soares

Covalima ( RCCT ) 01-12-21, Estudante sira husi Escola Bazika Central Catolica (EBC-C) Fohorem infrenta menus sala de Aula ba estudante Bloku rua (2) hanesan Primeiru Ano, Segundo Ano no Terseiru Ano.

Kasu Lia ba RCCT Diretór EBC’C Fohorem Manuel dos Santos informa ho Preokupasaun Menus Sala ba Estudante ne’e, Eskola hetan autorizasaun husi Igreja Fohorem hodi Utiliza Salaun Parokia nian ba Sala de Aprendizajen ba Estudante sira.

Situasaun no Kondisaun Eskola Bazika Central Catolika Fohorem infrenta, Durante ne’e sala de aula la to’o ba estudante sira, ami ba husu no hakraik an ba Amu Parokia Fohorem atu fo lisensa ba ami nia estudante sira atu uja salaun Igreja nian, Amu mos fo duni espasu mai ami hodi hanorin estudante sira iha aula Parokia ne’e ” Dehan Diretór EBC-C Fohorem Manuel dos Santos.

Diretór hanaruk, Maske Utiliza ona Salaun Parokia nian hodi hanorin estudante Bloku 2 husi 1o ano to 3o ano, maibe Estudante sira Obrigadu tenki Abandona sira nia klase wainhira Igreja Persija Uja Salaun hodi halo enkotru ruma bazeia ba Nesesidade Parokia Nian.

Ami uja Salaun ne’e ba estudante bloku rua ( 2 ) sira hanesan 1o Ano, 2o Ano no 3o ano, maibe kuandu programa husi Dioseze ka Parokia nian wainhira realiza enkontru ruma ami tenke abandona klase tolu ne’e lori sai mai liur, difikudade ida mak estudante sira bloku 1o Ano, 2o Ano no 3o ano hasoru,maibe agora ami labele uja ona tamba ho kondisaun salaun ne’ebé mak ami uja nakfera hotu ona tanba besi sira ne’ebé mak liga ba mai hirak ne’e kotu hotu ona ho ida ne’e ami tauk bainhira iha tempu udan no anin monu hanehan estudante sira ” Tenik Diretur EBCC Fohorem Manuel dos Santos.

Entretantu tuir Diretur EBC-C Fohorem Manuel dos Santos preokupasaun ne’e hato’o bebeik ba Edukasaun Municipio to’o Nasional no mos hato’o bebeik ba Fundasaun Katolika maibe to’o agora la iha responde Pozitivu ba problema menus Aula aprendizajen ba Estudante sira iha EBC-C Fohorem.

Jornalista : Saturnino Soares

Editor       : Chamot Nahac