Covalima ( RCCT ) 28-11-21, Selebrasaun Loron Proklamasaun Independensia Timor Leste ba Dala 46 komunidade iha Postu Administrativu Fohorem Goja duni tempo ne’e tanba duni rame Kompara tinan sira seluk nebe liu ona.
Diretur Eskola Bazika Cental Catolika ( EBC ) Fohorem Manuel do Santos iha Nia intervista hateten Hasa’e Bandeira RDTL iha Postu Administrativu Fohorem Tinan Ida ne’e partisipantes barak Liu kompara ho Tinan uluk.
“Tuir Ha’u Nia Observasaun rasik Hasa’e Bandeira RDTL Tinan Ida ne’e sala malu ho Tinan uluk, Tanba Tinan Ida ne’e Ita hare komunidade, ferik ho katuas, Juven Feto ho Mane inklui labarik Sira ne’ebé Mak ohin hahu husi dader hahu hasa’e Bandeira RDTL to’o lokraik ona ne’e mos Sira la Fila ba Sira Nia uma Tanba iha atividades barak Mak dada Ita nia komunidade Nia laran hodi asisti Seremonia ne’e to’o remata “ Dehan Diretur EBCC Manuel dos Santos.
Diretór EBC ne’e afirma Liu tan iha Tinan uluk Sira Komunidade sira la partisipa barak Tanba ho situasaun Covid-19, halo Komunidade Sira Mak la partisipa.
“Tinan uluk komunidade Sira la partisipa M,aximu iha Seremonia hasa’e Bandeira hanesan ne’e Tamba atividades la iha atu dada Komunidade Sira Nia laran no mos ho situasaun Moras Covid -19 ne’e halo komunidade Sira la partisipa Maximu iha Seremonia hasa’e Bandeira hanesan ne’e, no Agora Ita Livre ona husi husi husi Moras Covid-19 mos husi estadu emerjensia no Serka Sanitaria ho Ida ne’e ohin Ita hare partipantes barak Mak Mai tuir Selebrasaun Seremonia Proklamasaun 28 – Novenbro 2021 ba Dala 46 iha Tinan ne’e “ Tenik Diretur EBCC Manuel dos Santos.
Entertantu iha intervista ne’e Diretór Eskola Bazica Central Catolika Manuel dos Santos husu ba Nai Ulun Sira husi Nasional, Liu Liu ba Ministeriu Administrasaun Estatal ( MAE ) no Sekretariu Juventude no Desportu atu Aloka orsamentu barak ba Posto Administrativu Sira atu nune’e Aautoridade Postu Sira bele Inkaisa atividades barak iha Selebrasaun Loron espesial Sira hanesan 20 de Maio, 28 de Novembru no 30 de Augostu atu nune’e Ita Nia komunidade Sira bele partisipa maximu.
Jornalista : Saturnino Soares
Editor : Chamot Nahac
