Maiu -Augustu STAE Covalima Rejista Eleitor Na’in 1,107

Covalima (RCCT)30-09-22, Sekretariu Tekniku Administrasaun Eleitoral (STAE), Munisipiu Covalima liu husi atividade resensiamentu eleitoral, rejista ona dadus provizuriu eleitor foun no halo atuliza eleitore foun hamutuk 1,107

Diretór STAE Munisipiu Covalima Francisco Gusmão Informa STAE Covalima halo Atendementu resensiamentu eleitora dadus provizoriu 1,107 ne’e kompostu husi dadus eleitore foun 436 dadus no halo atulizasaun ba dadus tuan hamotuk 671.

Ami halo atendementu resensiamentu eleitoral no atualiza baze dadus hahu fulan Maiu to’o Augustu dadus provizoriu eleitor hamutuk na’in 1,107 husi numeru ne’e eleitor foun na’in 436 tuan mak halo atualiza dadus lakon tohar no muda hela fatin hamutuk 671, Fulan Setembru sei halo ajustamentu dadus eleitor sira” Diretór STAE Munisipiu Covalima Francisco Gusmão relata konaba dadus hirak ne’e iha nia k’nar fatin Kampung Baru Sesta (30/09)

Diretór ne’e hatutan kriteria resensiamentu ba sidadaun ne’ebé atinji ona 16 anos ba leten halo kartaun eleitoral tenki lori dokumentu legal hanesan sertidaun Nassimentu RDTL ,Billete Identidade ka Passaporte.

“Atividade resensiamentu eleitor ne’e ba sidadaun Timor Leste ne’ebé atinji ona tinan 16 ba leten no seidauk rejistu ,tenki lori dokumentu sira hanesan sertidaun RDTL Orijinal no kopia tahan ida bele mos billete Identidade (BI) ka passaporte Timor Leste orjinal no validu no kopia tahan ida” katak nian

Diretor STAE Covalima mos dehan Ba sira ne’ebé atu atualiza dadus hanesan hadi’a naran ka data moris sala ,tenki lori dokumentu sira hanesan, Sertidaun RDTL, BI ka passaporte Timor Leste orjinal no validu no kopia tahan ida no hatudu mos karteun eleitoral orijinal.” Francisco Gusmão relata

Enkuantu Nia MOS informa Sidadaun sira ne’ebé hakarak muda hela fatin lori dokumentu sira hanesan, deklarasaun muda hela fatin husi Xefi Suku ne’ebé mak atual nia hela ba, sertidaun RDTL, BI ka Passaporte Timor Leste orjinal no validu no kopia tahan ida no hatudu mos kartaun eleitoral original no ba sira ne’ebé kartaun lakon, lori dokumentu sira hanesan, deklarasaun kartaun lakon husi Polisia Nasional Timor Leste (PNTL), sertidaun RDTL ka BI no Passaporte Timor Leste orjinal no validu no kopia tahan ida.

Jornalista : Jhana Cardoso

Editór        : Chamot Nahac