Covalima (RCCT) 14-09-21, Husi Fulan Maio to’o Fulan Setembru tinan ne’e Servisu Gestaun Risku Dezastre (SGRD) Munisipiu Covalima apoio aihan no la’os aihan ba vítima hamutuk Sanulu resin ha’at (14).
Ba RCCT Kordenador Servisu Gestaun Risku Dezastre Munisipiu Covalima Dinis Pereira iha nia kna’ar fatin hateten, total husi Vítima Dezastre nebe SGRD Apoio ne’e Kompostu husi Postu 7 nebe lokaliza iha Municipio Covalima nebe sai Vitima ba Dezestre ho Tipo Insendu ka Ahi han Uma no Anin Sobu.
“ Komesa husi Fulan Maio to’o Fulan Setembru tinan ne’e nian, ekípa apoio hodi distribui ona aihan no la’os aihan ba vitima sanulu resin ha’at (14) nebe maka hetan sofre husi dezastre naturais hanesan ahi han uma depois anin sobu” Dinis dehan (14/09)
Dinis informa, dadaun ne’e Stok Fos sei sufisiente atu apoio ba Familia vítima nebe afeta ba dezastre naturais.
“ Agora dadaun ne’e aihan hanesan fos ne’e sei sufisiente hela, maibe iha balun maka komesa menus, hanesan Supermi, Biskuit, Ikan Sardina sira ne’e, maibe parte husi Diresaun Munisipiu ninian esforsu hela atu nune’e husi Nasional bele apoio tan aihan ne’ebe maka agora menus hela ” Dinis explika.
Nune’e Kordenador Servisu Gestaun Risku Dezastre Munisipiu Covalima husu ba Autoridade Lokal sira, bainhira komunidade sira infrenta dezastre naturais, tenke hasoru direta Diresaun Servisu Gestaun Risku Dezastre Munisipiu ninian, atu nune’e bele hetan apoio ho emerjénsia.
Jornalísta : Tynho Gusmão
Editor : Chamot Nahac
