Covalima (RCCT) 10-11-21, Ministèriu Administrasaun Estatal (MAE), Liu hosi diresaun Jeral Desentralizasaun Administrativa (DJDA) hala’o formasaun ba funsionário iha Munisípio Covalima atu kapasita Funsionario publiku no Agente Adminitasaun Publiku ne’ebé mak iha Municipal no iha Diresaun Sira hotu.
Konfesa ba Jornalista Sira Xefe Delegasaun DJDA iha (MAE) Gaspar Afonso, hteten relasiona ho fasilitasaun ba Funsionario Publiku no Agente Administrasaun Estatal ne’e hanesan procesu atu implementa Lei poder lokal.
“Formasaun Ida ne’e relasiona ho procesu ba ita atu tama iha implementasaun Lei poder lokal, Ita hare katak parlamento Nasional mos aprova ona Lei poder lokal no kontinuasaun prezidente mos halo ona promulgasaun iha Lei poder lokal no kontinuasaun Mos halo preparasaun atu estabelese atu fo provasaun Mos ba iha eleisaun Municipal sira ne’e ho signifika Ida katak Ita atu implementa ona deskonsentrasaun ka sistema Desentralizasaun” hatete Gaspar Afonsu ba Jornalista Sira iha salaun Adminitrasaun Municipio Covalima.
Gaspar Salienta Materia ne’ebé formador husi Ministeriu Administrasaun Estatal fo ba formandu atu hodi kapasita no bele halo preparsaun ba servisu ne’ebé Efetivu, efisiente no efikasia
“Formasaun ne’e husi (MAE), Ami rasik Mai iha Municipio Covalima, Materia lubuk Ida mak hanesan, Tekniku Atendementu Publiku, Jestaun Tempu, Jestaun Rekursu Humanu, Jestaun Lojistika no Patrimonio, Jestaun Projeto Integradu, Jestaun Komunikasaun no Kordenasaun, no Jestaun Arquivu no Dokumentasaun, Tamba Sira Precija duni atu kapasita no atu elezia funsionamento iha Administrasaun hotu -hotu preciza rekursu humanu Entaun Ita mos tenki kapasita rekursu Humanu, atu nune’e Sira bele iha preparasaun hodi halo servisu ho efetivu ,efisiente no efikasia” Nia hatutan
Formando João Martins informa, hetan Espriensia lubuk ida iha formasaun ne’e tanba formador sira mai husi area lahanesan.
“Liu husi formasaun ne’e Ami bele hetan esperensia barak tamba formando Sira ne’ebé Mak Mai iha ne’e diferente area tamba ne’e ami mai kompleta malu, tuir Ha’u formasaun ne’e fo benefisiu Mai Ami formando Sira ne’ebé Mak tuir formasaun ne’e Tamba ne’e karik bele kontinua fo formasaun nee ba oin ba Ema Sira neebe Mak sedauk tuir formasaun Ida nee” Katak Formando João Martins
Entretanto Formasaun ne’e hala’o iha Salaun Administrasaun Municipio Covalima ne’ebé partisipa maximu husi Funsionario publiku no ajente Administrasaun publiku.
Jornalista : Jhana Cardoso
Editor : Chamot Nahac
