MAE aloka Orsamento $ 50.000 ba Postu Suai hodi hamos baleta.

Covalima (RCCT) 29-07-21 Ministériu Administrasaun Estatal (MAE) aloka orsamento rihun lima-nulu ($ 50.000) ba Postu Administrativu Suai, Municipio Covalima hodi organiza hamos baleta nebe foer iha areadores Postu Administrativu Suai.

Administrador Postu Administrativu Suai Laurentino de Yesus informa, total orsamento ne’e sei jere iha novel Postu, no Xefe Suco maka sei buka trabalhador sira.

“ Maun de Obra ne’e mai husi Ministériu Administrasaun Estatal, hatun orsamento rihun lima-nulu mai iha nivel Postu atu organiza hare servisu hodi hamos baleta nebe maka foer, iha areadores postu Suai nian, depois total orsamento ne’e ba postu Suai deit, no Postu maka sei Jere, Xefe Suco maka buka trabalhadores, atu nune’e servisu ne’e bele la’o ho di’ak ” Laurentino dehan iha Administrasaun Postu Suai nia oin (29-07).

Administrado Postu Suai Laurentino de Yesus mos informa, programa maun de obra ne’e, sei halo lansamento iha loron 9 fulan Agostu tinan ne’e.

“Sim ohin ami enkontru ba dala ikus, ami nia grupo sira los hotu ona, nebe ohin ami traxa planu para atu nune’e loron 9 fulan Agostu oin mai ne’e bele halo ona lansamento ba programa ida ne’e ” Laurentino dehan.

Laurentino mos esplika, Suco Lima nebe lokaliza iha Postu Suai,no kada suco iha trabalhador 20, no husi total suco lima ne’e hamutuk grupo hitu, tanba ne’e presiza trabalhador hamutuk 140.

“ Iha Postu Suai ne’e iha Suco 5 (Suai Loro, Kamenasa, Beko, Debos no Labarai), nebe kada Suco ne’e ema na’in 20 depois iha Suco lima ne’e grupo hitu, nebe presiza trabalhador 140 inklui ho mandor atu nune’e bele kontrola servisu ne’e bele la’o ho di’ak ” Laurentino dehan.

Entertanto Administrador Postu Suai Laurentino informa, trabalhador sira ne’e envolve mos ema ho difisiensia nomos Feto faluk sira.

Jornalísta : Tynho Gusmão
Editor       : Chamot Nahac