Loro Mesak ” Verifikasaun Dadus Veteranus La Hare Ba Kór Partidu”

Covalima (RCCT), 11-08-21 Reprezentante Falentil Região IV Asistente Polítika Militar, atual hanesan Prezidente Konsellu Veteranus Municiipio Ainaru Julio da Conceição ho Kódigu “Loro Mesak” hateten Verifikasaun dadus Veteranus sei la hare ba kór Partidu maibe hare husi Istória luta ema ida-idak nian.

Lia ne’e hato’o iha nia diskursu bainhira halo serimonia abertura verifikasaun dadus Veteranus 302 iha Suku Laktos Postu Fohorem Tersa Feira (10/08) horsehik.

” Verifikasaun dadus ne’e la hare ba partidu, balu dehan o tuir ha’u nia partidu ha’u fo 8 á 14 ida ne’e politik beik ten, ami sei hare ema nebe maka uluk servisu duni ba rai ne’e ida ne’e maka merese atu fo nia direitu, la’os hare husi kór Partidu fali ne’e lalos” Loro Mesak dehan.

Julio da Conceição ne’e mos husu ba Veteranus hotu, atu la bele lori partidu haketak malu, tanba uluk hamutuk maka hetan ukun rasik an.

” Dalaruma maun La Mesak, maun Mau-Soko, ita sira iha ne’e mai ho kór Partidu nebe la hanesan, maibe la bele haketak malu, Veteranus tenke hamutuk, ita ne’e tenke ida deit hanesan iha tempu uluk, labele lori partidu haketak fali ita, ne’e labele” Loro Mesak esplika.

Entertantu Reprezentante Falentil Região IV asitente Politika Militar, atual hanesan Prezidente Konsellu Veteranos Municipio Ainaro Julio da Conceição “Loro Mesak” kontinua enkoraja Veteranus sira atu hamutuk la bele haketak tan deit polítika no bainhira halo verifikasaun tenke konta Istoria nebe ho lolos.

Jornalísta : Tynho Gusmão
Editor       : Chamot Nahac