Loro Mesak Dehan ba Komunidade Zumalai “Imi mak Fo han Ami, Imi mak Subar Ami, no imi mak Lori ami halai”

Covalima ( RCCT )25-06-21, Relasiona ho Levantamentu dadus ba Tragedia Masakre iha Aldeia Pelet Soco Lour, Postu Administrativu Zumalai Municipio Covalima nebe akontese iha loron 13-08-1984 nebe rezulta ema nain 35 iha Masakre ne’e.

Iha Seremonia ne’e Precidente Conselho Munisipal Combatentes da Libertasaun Nasional( CMCLN) Julio da Conseicão (Loro Mesak) koalia ba Komunidade sira nebe partisipa iha serimonia ne’e, Loro Mesak dehan imi mak fo han ami imi mak subar ami imi mak lori ami halai tun sae nebe imi lalika tauk sa ida maka imi atu hato’o mai ami tanba ami mak hatutan funu.” Loro Mesak Koalia ba Komunidade sira iha Pelet Kinta feira Horsehik (24-06).

Loro Mesak Fundamenta, sei lahaluha dedikasaun nebe uluk inan aman sira fo iha situasaun difisil nia laran hodi ajuda salva sira husi mate nebe sira hasoru.

Ha’u nia inan aman sira, ami sei lahaluha imi to’o iha nebe deit tanba uluk imi mak fo han ami imi mak subar ami imi mak lori ami halai tun sa’e. maibe tanba tempo mak la iha deit tanba ema seluk mak kaer nebe ami puder la iha mais agora ba oin lalika tauk tanba Conselho iha ona nebe ba oin ami sei lori imi nia oan sira ba oin atu nune’e labele sai beik hanesan inan aman ita “ Loro Mesak relata.

Loro Mesak mos Agradese ba Conselho Veteranus Municipio Covalima tanba maski osan la iha maibe bele realiza Seremonia Levantamentu dadus ba iha maluk sira nebe durante ne’e seidauk registu liu liu iha Sira nebe Sai Vitima no Mate iha Pelet.

Ha’u Agradese Concelho Veterano Covalima tanba maske laiha osan maibe bele realiza serimonia ida ne’e.ita hotu hatene katak agora dadaun ne’e ita infrenta hela pandemia Covid-19 ,tanba ne’e saida maka uluk ita nia komisaun sira halo los ne’e mak ita kontinua no ida nebe mak lalos ne’e ita la uza no sei serbisu hamutuk ho Strutura sira nebe uluk, atu hadia ita nia dadus sira no husu ba komisaun sira atu labele sai hanesan apagador no la bele fiar sira nebe mak mai lori pasta bo’ot hosi kotuk.” katak Loro Mesak

Seremonia ne’e sei hala’o durante loron tolu hodi halo Levantamentu dadus no Seremonia ne’e no iha Abertura ba serimonia ne’e hetan partisipasaun hosi Administrador Municipio Covalima, Komandante Polisia, Komandante Polisia UPF Kompanya Bravo , Presidente Conselho Veterano Ainaro, Vice Presidente Conselho Municipio Covalima, Administrador Postu Zumalai, Ho konselho suco sira iha Postu Zumalai.

Ekipa Kobertura : Lito de Jesus & Asatu Soares

Editor                  : Chamot Nahac