Covalima (RCCT) 17-08-21, Xefe Aldeia Holba Raimundo Henriques konsidera IGE halo diskrimasaun ba Komunidade iha Suco Taroman tanba Projeitu loke Estrada iha Postu Administrativu Fatululik Aldeia Holba nebe IGE halo difikulta movementu trasporte wainhira tempo udan kompara ho IGE Dudu ka loke Estrada iha Suco Dato-Tolu.
” Dezenvolvimentu iha Suco Dato-Tolu liga ba ami vijinu Suco Taroman ne’e, ha’u hakarak hatete deit durante ne’e husi instituisaun IGE dudu estrada foun ida sae mai, maibe kompara ho Suco Dato-Tolu nian ne’e um metru deit mos sira dudu halo hotu, be dalan sira ne’e dudu halo hotu, maibe tanba saida maka mai ami Suco Taroman ne’e dudu hanesan mota los ne’e, be dalan mos sira la halo “ Raimundo Informa (16/08).
Xefe Aldeia ne’e Informa tenpu udan Motorista sira labele halo movimentu, tanba impaktu husi udan no la iha be dalan hodi estraga hotu estrada nebe kompanha IGE halo.
“Tempu udan Komunidade sira la bele lori sira nia Produtu lokal ne ba Suai, tanba udan mai hanesan ne’e mota lori hotu, Tanba la iha be dalan ruma maka Sira halo, hanesan ohin ha’u dehan ne’e, kompanha IGE ne’ dudu estrada hanesan mota” Raimundo esplika.
Engkuantu observasaun RCCT hatudu, dadaun ne’e, Komunidade sira iha Aldeia Holba no Fatuloro Suco Taroman Postu Fatululik, moris sei iha nakukun laran Tanba seidauk asessu ba eletrisidade.
Entertantu Xefe Aldeia Holba Raimundo Henriques mos husu ba Governu atu hadi’a fali estrada nebe maka hetan ona estragus, impaktu husi udan bot no la iha be dalan.
Jornalista : Tynho Gusmao
Editor : Chamot Nahac
