Covalima (RCCT) 03-01-22, Fatin Lixu Nakonu ho Dos Mamuk no Plastiku fo impaktu ba Kondisaun Merkadu Suai sai Lafurak, tan ne’e Vendedor Maria de Fátima triste ho kondisaun hodi husu Saneamentu Covalima no Kompañia atu raut sai foer sira naklekar iha Merkadu Suai ne’e.
Ba Jornalista Sira Vendedora Merkadu Suai Maria de Fatima Informa Foer ne’ebé nakonu iha Lixu Fatin ne’e hahu kedas iha Fulan Dezembru 2021, tanba ne’e husu ba Kompaña ne’ebé toma konta ne’e atu raut Foer ne’e.
” Foer ne’e komesa nakonu husi tinan 2021 fulan dezembru ne’e kedas, maibe to’o ágora mos nafatin foer nakonu, ne’ebé husu ba Kompañia ne’ebé hamos ka raut foer nian ne’e foti ona dos mamuk sira ne’e,” Vendedor iha Merkadu Suai, Maria de Fátima Dehan ba Jornalista Sira, Segunda Feira (03/01).
Maria de Fátima husu ba parte relevante, Atu hamos ka raut foer iha fatin lixu ne’e iha tempu badak nia laran, tanba is fo Impaktu ba vendedor sira nia saúde.
“Foer sira ne’e mak hanesan dos no modo at no plastiku mamuk sira ne’e udan kona tan is makas los, ne’ebé ami mak fa’an iha ne’e ne ema la sosa ami nia sasan sira, tanba is maka’as los, ne’e impaktu mos ba ami nia saúde, ne’ebé tempu badak nia laran tenke raut sai foer sira ne’e, tanba besik kedas estrada públiku,” Maria Haktenik.
Iha sorin seluk motorista Bernadino Noronha mos ezize ba parte Kompaña ne’ebé toma konta kona ba hamos foer nian,tempu badak atu raut sai foer ne’ebé mak naklekar iha dalan publiku iha merkadu Suai ne’e.
” Ágora ne’e dalan publiku tia mak agora foer fakar tama mai to’o estrada ninin ona ne’e oinsa, ne’ebé husu ba parte hamos nian ho Kompaña se bele aban hanesan ne’e raut sai ona, ou sei feriadu ga oinsa.?ita labele fo sala ba sira ne’ebe mak fa’an iha merkadu, tanba sira ne’e hatene fakar ba foer fatin ne’e, se sira la so’e ba fatin ne’e mak Sira sala, agora sira kumpri maibe fatin mak nakonu,” Nia Imforma
Jornalista : Jhana Cardoso
Editor : Chamot Nahac
