Covalima (RCCT) 30-08-21 Silvestre do Nascimento hela iha Suco Holpilat Aldeia Lela, ho inisiativa hakiak ikan durante tinan ida resin ona. Silvestre do Nascimento hateten, bainhira nia hare televizaun hodi asiste filme kona ba oinsa hakiak ikan nian, maka durante ne’e Silvestre ho voluntáriu hala’o aktividades hakiak ikan iha Suco Holpilat Aldeia Lela Postu Administrativu Maukatar.

“ Servisu ida ne’e hanesan ha’u nia hobi ida, Primeiru ha’u hare iha televisaun, ha’u hare ema hakiak ikan sira ne’e, entaun ha’u hanesan halo tuir deit, depois Ha’u halo tuir entaun ha’u hare ikan sira ne’e moris hotu kedas, entaun ha’u nia servisu ne’e ba oin tiona “ Silvestre dehan.

Silvestre nia preokupasaun maka susar hetan Fini ikan no difisil atu buka no hetan aihan ba ikan nebe nia hakiak nune’e nia husu ba Organizasaun nebe iha kompetensia, atu apoio hodi hadi’a kolam ikan nebe nia iha ona ne’e.

” Bele ka lae? Bo’ot sira ne’e ajuda Ha’u liu-liu maka kolam ikan ida ne’e, tamba presiza nahe uitoan iha okos ne’e, depois Fini ikan ne’e mos araska uitoan, aihan ne’e Ha’u maka buka rasik mas difisil uitoan atu hetan” Silvestre Informa.

Maske nune’e ikan nebe Silvestre Hakiak ne’e kolleta ona dala tolu (3), nebe Fulan ne’en halo kolleta Dala ida, daudaun ne’e, ikan nebe sei iha kolam no seidauk Koilleta hamutuk rihun ida resin (1000). Nia dehan iha momento Kolleta ikan ne’e Silvestrefahe deit ba Vizinho sira.

” Ikan ne’e ami kolleta ona dala tolu (3), nebe Fulan ne’en (6) ami kolleta dala ida, Bainhira ami kolleta ne’e, Ha’u fahe deit ba vijinho sira” Silvestre esplika.

To’o Notisia Jornalísta RCCT seidauk halo konfirmasaun ho Servisu Agrikultura e Peska no Organizasaun seluk iha Covalima tamba kestaun ho tempu feriadu.

Jornalísta : Tynho Gusmao
Editor       : Chamot Nahac