Covalima (RCCT) 09-07-21 Lian nain iha Postu Administrativo Fatululik Suco Taroman hamutuk ho Komunidade Sira, no akompanha Husi Vise Ministro Administrasaun Estatal (MAE) ho nia komitiva, Administrador Municipio Covalima no Administrador Postu tolu (Maucatar, Fohorem, Fatululik) halo Serimonia kultural iha iha be matan tasi balun, nudar haburas natureza husi lulik Fatuk Lulik, Lulik Foho Taroman.
Iha Serimonia Kulutural ne’e Representa Lia Nain Suco Gaspar da Cruz haktuir, be matan ne’e hanaran be matan tasi balun, no Objetivo husi Serimonia kultural ne’ atu husu Autozasaun ba lulik be matan tasi balun nune bele loke dalan hodi bele sulin ba Komunidade nia let.
” Ita hotu hare katak, komunidade Postu Administrativo Fatululik, ougulho no apresia nudar haburas natureza husi Lulik Fatuk Lulik Lulik Foho Taroman, liu-liu be matan ida ne rasik hanaran be’e matan tasi balun, Serimonia ida ne’e nia intimo Liu maka oinsa be matan ne’e rasik bele loke dalan hodi nia bele Liu iha Komunidade nia le’et ” dehan Gaspar
Representa lia nain Gaspar da Cruz esplika kona ba tanasak nebe rai hadulas, hanesan bikan Lulik husi Komunidade Posto Fatululik nian, reprezenta Liurai 3( liurai Lalai, Taroman no Fatululik) nomos ba Be’e matan sira nebe maka iha, no ba Uma lisan sira, tansak nebe iha inklui mos ho Ukun nain Sira nian.
” Tanasak iha Nene hanesan bikan Lulik, Ida ne representa ba Liurai tolu, (lalai,Taroman,Fatululik) nomos ba Be’e matan kiik Sira nebe maka besik hela iha ne, depois iha mos ba Ita Nia ukun nain Sira” Gaspar esplika
Hafoin halo Serimonia kultural Vise Ministro Administrasaun Estatal (MAE) Kontinua ba halo inaguarasaun Sede suku Rua, ( Taroman no Fatululik) hafoin Ida ne, Vise Ministro ne Kontinua observa be torneira iha Fatin publiku iha Adminstrasaun Posto Fatululik Nia oin.
Jornalista : Tynho Gusmao
Editor. : Chamot Nahac
