Covalima (RCCT), 18-11-21, Vise Konsellu Veteranus Kombatente Nasional Francisco Doutel Sarmento “Lamesak” Haktuir Koñese Saudozu Sesurai iha tempo Difisil no Saudozu hatudu nia Brani hodi hala’o ordem husi nebe Simu husi Maun Bo’ot Xanana.
Lamesak Dadehan ba Jornalista iha Saudozu Sesurai Nia Rezidensia, Maske iha tempu difisil simu Karta husi Líder Nasionàl Kay Rala Xanana Gusmão, Saudozu hamotuk ho Lamesak Organiza ema nain 40 hodi Leba Luta ba Ukun Rasik An.
“Iha tempu difisil tebes ami simu Surat husi Maun Xanana Gusmão nia foto no kaseti, ami konsege hamutuk Suco Suai Loro, Aldeia Akar Laran, iha momentu ema na’in 40 atu lori ita nia luta ba oin. ami na’in rua foin hasoru malu organiza ema sira iha Postu Administrativu Suai vila to’o iha postu sira seluk,” Lamesak dehan
Nia konta ,Saudozo Álvaro do Nascimento “Sesurai” ema ida ne’ebè brani no ema ne’ebè siak teen nia dignifika nia an ba luta ida ne’e, liu husi Rejistensia Klandestina ne’ebè nia Lidera
“Ami hala’o Servisu hamutuk organiza ita ema to’o iha 1989 ami forma estrutura ODIR. Ha’u hanesan Primeiru Vise Sub-Reziaun, ami lakon ami nia maun ne’ebè maka nia husik hela mundu ida ne’e,” nia hateten
Lamesak hanaruk Aiknanoik, Saudozo hakotu nia pregrinasaun iha Mundu maibé nunka husik hela nia lia menon ba Estrutura iha Postu Administrativu 7 ne’ebé harii iha tempu ne’ebè difisil laran.
Entretantu Saudozo hakotu nia Pregrinasaun iha Ospital Nasionàl Guidu Valadares, iha loron 16 fulan ne’e tanba sofre moras komplikadu, No Saudozu Hafaluk Feto Bonita isin metan ida no Husik hela nia Fini hamotuk Na’in 6, Feto Na’in, 2 Mane Na’in 4.
Jornalista : Aje Ferreira
Editor : Chamot Nahac
