Laiha Blanku Orizinal-Rejistu Sivil no Notariadu Covalima Atende Sidaun ho Sertidaun Nasimentu no BI Provizoria

Covalima ( RCCT ) 10-09-21, Durante Fulan ida ona Servisu Rezistu Sivil no Notariadu Munisipio Covalima Laiha Blanko Sertidaun Nasimentu no Ologram atu print Bilete Identidade ( BI ) permanente hodi atendementu Sidadaun sira nia presiza iha Covalima.

Tanba ne’e Koalia ba RCCT Diretor Resistu Sivil no Notariadu Munisipio Covalima Antonio Sarmento informa durante fulan ida ona Servisu Rejisto Sivil no Notariado Atende Sidadaun sira ho Blako Proviziorio ba Sertidaun Nasimentu no mos Bilete Identidade Produz deit ho Surat tahan Mutin.

Durante fulan ida nia laran ona Rejistu Sivil no Notariadu Munisipio Covalima infreta Blanko Sertidaun Nasimentu RDTL no mos ologram atu printer mak ba Bileti Identidade mak la iha, Maibe ami atende komunidade nafatin hodi halo Sertidaun Nasimentu Provizorio no Bilete Identidade Provizorio produs ho surat mutin hodi komunidade sira utiliza hein, to’o blanko Permanente mai husi Nasional ” informa Diretur Rejistu Sivil no Notariadu Munisipio Covalima Antonio Sarmento

Engkuantu hatan ba problemas ne’e Diretor Geral ( DJ ) Rezistu Civil no Notareadu Nasional Crisogno da Costa Neto hateten poblemas ne’e la’os akontese deit iha Munispio Covalima, maibe akontese mos iha Munsipiop hotu, Nia mos dehan husi Nasional halo ona Aprosimasaun ho Ministerio da Justisa nune’e bele halo prosesa ba material hirak ne’e hodi koloka ba Munispio Sira iha tempu badak.

Problemas hanesan ne’e la’os deit iha diresaun konservatorio Rejistu Sivil no Notariadu Munisipio Covalima deit, maibe iha Munisipio seluk mos kuaze problemas hanesan, agora kompanha nebe mak manan tenderizasaun ne’e fornese ona iha Ministerio no iha tempu badak husi Ministerio sei koloka ona ba Munisipio sira ” Informa Diretor Jeral ( DJ ) Crisogno da Costa Neto, wainhira halo vizita iha edifisiu Rejisto Sivil Covalima iha Tersa (07-09)

Entertanto tuir Diretor Rejistu Sivil no Notariadu Munisipio Covalima Antonio Sarmento hateten mesmuke hasoru difikuldade hirak ne’e maibe sira nia nafatin halo atendementu komunidade sira ho dokumentus provizorio, ba komunidade sira nebe mak presiza no bainhira husi Nasional koloka ona matrial ne’e mai Munisipio mak fo fali dokumentu permanente ba sidadaun sira ne’e.

Jornalista : Saturnino Soares

Editor       : Chamot Nahac