Covalima (RCCT)16-06-21, Iha tempu ukupasaun Indonesia durante tinan rua nulu resin ha’at nia laran komunidade sira iha suco lactos hotu – hotu luta kontra hasoru indonesia atu hetan Independensia nasional, hafoin iha tinan 1999 militar indonesia hamutuk ho grupu milisia tama suco lactos hodi oho ema nain sanulu resin ha’at ( 14 ), iha loron 12 – 09 – 1999 no iha tinan 2002 Timor Leste deklara independesia total hodi ukun rasik an.
Maibe Komunidade iha Suco Lactos Postu Administativu Fohorem Seidauk Senti Ukun aan Ida ne’e, Xefe Suco Lactos Antonio Afonso Informa ba Jornalista RCCT Quarta Feira ohin.
” Durante ne’e ita nia komunidade sira iha lactos la senti ukun nia diak tamba iha suco lactos komunidade sira sei dauk hetan naroman husi eletrisidade nia lakan ita kompara ho suco seluk la hanesan ho suco lactos tamba suco barak iha covalima mak hetan ona eletrisidade nia naroman” informa Xefe do Suco Lactos Antonio Afonso.
Iha dadalia lia liu husi via relefone ne’e Xefe do Suco Lactos Antonio Afonso mos Informa, servisu eletrisidade Municpio Covalima halo ona survei iha Suco Lactos, atu dada linha eletrisidade, inklui mos Suco mape, no aldeia traduk ama iha suco be’e lulik leten postu Administrativu Fatumea maibe seidauk realiza to agora.
Tanba ne’e Xefe Suco Laktos husu ba Governu atu bele tau matan hodi hare ba problema Infrastruktur ne’e.
“Husu ba Ministerio relevante atu tau matan nafatin ba problemas ne’e tamba tinan barak ona mak komunidade la hetan eletrisidade nia naroman” dehan Antonio Afonso
Xefe do Suco Lactos Antonio Afonso Informa Suco Lactos iha aldeia 4 mak hanesan Aledia Aululik, Aldeia Fatuk Laran, Aldeia Cacaut no Aldeia calobor, iha Suco Lactos nia laran ho hamutuk xefe da familia atus tolu hitu nulu resin walu ( 378 ) no total populasaun iha suco Lactos hamutuk rihun ida atus ne’en lima nulu resin ne’en ( 1656 )
Jornalista : Sarurnino Soares.
Editor : Chamot nahac.
