Covalima (RCCT) 22-05-21, Saude Municipio Covalima la halo Disinfekta ba estudante sira nebe mak fila husi Kapital Dili mai Covalima tanba ne’e Cordenador EKSES Covalima la Satisfas ho Servisu Saude ninian koba ba la halo disinfektan ne’e.
Cordenador Ekses hateten siguransa ba iha estudante sira iha Tashilin tanba atu asegura seguransa ba estudante sira tanba halo viagen iha kalan maibe Coordenador ne’e dehan ladun komprende Saude nia servisu tanba kareta ambulansia mos hasoru hasoru maibe la ho mediku ruma so motorista mesak deit mak ba hasoru.
“ Ha’u hakarak hato’o deit kona ba rajaun horikalan seguransa PNTL Covalima hasoru ami atu asegura seguransa ami tanba ami viagen kalan, maibe ha’u ladun komprende tanba sa mak Ambulansia mai hasoru ami la ho Mediku ka pesoal Saude ruma maibe Motorista mesak mak ba hasoru ami iha Suco Tashilin, ho ida ne’e ami trauma katak ambulansia mai ne’e atu lori ami ba karantina karik maibe la iha rajaun ruma hato’o mai ami, nia la’o akompanha ami deit ami hanoin ambulanisia mai ne’e lori mediku ruma atu atende ami maibe la iha disinfekta ami no la swap ami tanba mediku la iha ami husu ba kondutor ambulansia ne’e tiu bele disinfecta ami maibe kondutor ambulansia ne’e hatan ha’u la hatetene ema telfone ha’u ne’e mak ha’u mos ba hasoru imi deit.” Dehan Cordenador Ekses Covalima Matinho Gusmao Alves.
Tanba ne’e Cordenador Ekses Covalima Preokupa tebes ho servisu Saude nian ne’e tanba sira prepara ona ambulansia hasoru ba hasoru maibe la iha mediku ruma mak atende hodi halo disinfecta ba sira
“ Ami preokupa tebes mesmu problema nebe mak ladun bo’ot maibe hanesan medis ne’e prepara ona kareta ambulansia tenke prepara mos ekipa hanesan disinfekta, prepara ekipa medico ruma atu hare karik alin estudante sira desmaia, maibe ambulansia ne’e kondutor mesak deit mak hasoru ami ho ita nia parte seguransa sira natun ambulansia hasoru ami ne’e la iha funsaun ida” Tenik Cordenador Ekses Covalima Matinho Gusmao Alves.
Entertanto Nutisia ne’e Publika Jornalista RCCT seidauk halo konfirmasaun ho director Servisu Saude Municipal konaba rajaun ambulansia nebe mak ba hasoru estudante sira la iha mediku ruma mak atende estudante hirak nebe mak fila husi Kapital Dili mai Municpio Covalima.
Jornalista : Saturnino Soares
Editor : Chamot Nahac
