La Selu Rai – Quintinha Taka Be ba Komunidade- Kompaña Maun Alin,Unip.Lda Promete Selu Quintinha Nia Rai

 

Covalima (RCCT) 04-05-22, Konstruisaun tanki be mos iha Aldeia Tali Oan, Suku Oges, ne’ebé tuir planu atu hodi fornese be ba populasaun sira iha Aldeia Tali Oan, Suku Oges. Aldeia Asumaten, Asurai, lo’okeu, Suku Debos, oras ne’e dadauk tanki be ne’e bele utiliza ona, maibe na’in ba Rai la fo komunidade sira asesu be mos iha tanki ne’e tanba Kompaña manan Projetu ( Maun Alin. Unip.Lda ) seidauk selu osan ba tuir kontratu neebe selebra ona entre Na’in ba Rai Quintinha Amaral ho Kompaña Maun Alin, Unip.Lda.

Rai na’in Quintinha Amaral desidi lá autoriza atu uja tanki ne’e hodi fornese be ba komunidade sira ho razaun kampaña ne’ebé toma konta ba konstrui tanke be mos ne’e sedauk selu rai ne’ebé uja hodi hari tanke be ne’e.

“Ha’u taka be ba komunidade sira ne’e tanba durante Tinan Tolu ona hari tanke be ne’e iha ha’u nia rain maibe kompaña sedauk selu ne’e, depois rai ne’e uma ida nia fatin ne’e asina tia akordu depois até agora sedauk selu” Dehan Rai Quintinha Amaral iha Nia residência

Na’in ba Rai Quintinha Amaral prontu Kopera ho Komunidade no Autoridade sira hodi entre save tanki, maibe Kompana tenki seluk uluk Quintinha ho montante osan hamotuk Dollares Amerikanu $ 3.450.00, nazei ba Akordu ne’ebé mak realiza ona.

“Patraun promete fo osan $.3450.00 hodi sosa rai ida ne’e iha surat laran ne’e, maibe agora durante tinan tolu ona sedauk selu ne’e, halo nusa mak ha’u fo be ba komunidade Sira, komunidade sira tuntut mai ha’u atu loke be maibe ha’u la loke lamba ha’u nia Osan Rai nia sedauk selu, karik sira selu ona tuir sira nia promete iha Surat ne’e, ha’u protu fo Xave ba Kompaña.” Dehan Quintinha

Quintinha Amaral akresenta maske kompannha promete atu selu hela fatin no seluk tan maibe nia la preokupa no Nia husu deit atu kompanha selu deit Rai neebe Mak companha halo tanke nee.

“Patraun juli promete iha surat laran ne’e nia atu selu hotu halo uma ne’e, kareta para fatin, halo tanki ki’ik ida ba Ami dada be no atu seluk Rai ne’e mak sira halo tanki ne’e, tanba iha akordu ne’e sira atu Sosa kotu rai ne’e, maibe promete sira seluk ne’e ha’u la sibuk ona maibe hakarak komunidade ne’e asesu ona be mos ne’e, tenki seluk ha’u nia osan ne’e se lae ha’u la loke be ne’e ba komunidade sira “ Nia Haktenik

Iha sorin seluk komunidade husi Aldeia Tali Oan Suku Ogues, Florindo do Carmo senti triste tanba sei iha falansu entre na’in ba rai ho Kompaña ne’ebé konstrui obra (tanki) ne’e halo sira labele asesu hosi tanki refere.

“Tanki ne’e halo durante tinan barak ona, be ne’e mai tia ami uza loron rua ka tolu taka fila fali ate agora, entaun Rai na’in taka ne’e Kompaña mak la selu ka be ne’e privada, tanba agora ne’e ami araka tebes ba be mos dala ruma ami ba kuru to’o iha sukabi laran, tanki ki’ik ne’ebé mak halo ba komunidade agora at hotu ona tamba saida mak ami labele asesu ba be mos ne’e karik tanki ne’e halo ba komunidade, karik halo ba individu entaun ami bele prontu sosa rasik be hodi ense ba tanke nee” Florindo do Carmo Espresa ba Jornalista sira iha ninia rezidensia iha TaliOan Suku Ogues, Quarta Feira ohin.

Projetu Konstrusaun tanki be mos iha Aldeia Tali Oan, Suku Ogues ne’e hala’o husi Kompaña Maun Alin. Unip.Lda.

Enkuantu to’o notisia ne’e hatun, iha Oras hale’u tuku 3 loraik loron Quarta Feira (04/05), Jornalista RCCT tenta konfirma ho Diretór Kompaña Maun Alin.Unip.Lda, iha Lo’okeu Foho, Maibe la konsege rekolla dadus, tanba Diretór Kompaña la iha nia fatin.

Maibe, iha oras tuku 17:42 loro kraik, Quarta Feira (04/05), RCCT konsege hetan Deklarasaun husi Diretór Kompaña Maun Alin, Unip,Lda, Julio do Carmo, Via Telefone Informa, Kompaña Kompremetidu atu halo pagamentu ba Quintinha Amaral ba Rai ne’ebé Kompaña hari tanki be mos ba ne’e.

Tanba Osan husi SAS seidauk Selu ne’e, Pagamentu hatama ona to’o agora seidauk selu ne’e, Ha’u hetan tia ona ida uluk, ha’u halo pagamentu ba rai ninian, maibe hau halo extending Intrection husi banku, maibe hau lakonsege halo pagamentu ba rai ne’e, Agora pagamentu tuir mai ne’e mak ha’u atu selu, mais tan seidauk hetan pagamentu ne’e mak seidauk selu ne’e, selae selu tia ona, hau halo tia ona deklarasaun ida ba SAS katak iha pagamentu tuir mai ne’e ha’u sei selu rai ne’e.” Informa Diretór Kompana Maun Alin, Unip.Lda, Julio do Carmo ba RCCT via Telefone.

Jornalista : Jhana Cardoso/ Efigénia Nascimento

Editor      : Chamot Nahac