Covalima (RCCT) 10-08-21, Reprezentante Municipio Covalima ba Nasional hanesan mos Xefe ekipa Verifikasaun dadus 2009 Francisco Doutel Sarmento ho Kodigu ” La Mesak” iha nia intervista hateten, Joven nebe maka ho idade menor luta ba ukun rasik an sei hare nia partisipasaun hodi fo Sertifikadu.
Lia ne’e hato’o iha nia intervista ba Jornalísta sira hafoin abertura verifikasaun dadus 302 iha Suku Laktos Postu Fohorem Tersa feira (10/08) horsehik.
” Kona ba Joven sira nebe maka luta ba ukun rasik an iha tempu neba ho idade menor, ida ne’e ita hare mos husi nia partisipasaun, maibe tanba sira tinan sei ki’ik ita konsidera fo Sertifikadu, atu nune’e nia jerasaun ba jerasaun ka nia oan sira bele lori nia Sertifikadu ne’e hodi hatudu katak uluk ha’u nia aman mos halo duni” La Mesak dehan.
Iha fatin ne’e Konsellu Municipal Kombatentes Libertasaun Nasional Municipio Covalima atual Sekretáriu da Zona Fitun Nabilan Ozorio Soares ho Kódigu “Mau-Soko” nia informa, iha ona planu atu halo levantamentu dadus ba ema nebe mate ba abortus,nsst, no mos sei identifika abrigu 1975 nian iha Covalima.
“ Foin dadauk maun Loro Mesa kami na’in rua ba Dili, ha’u rona informasaun levantamentu dadus uma lisan atu la’o dadaun ona, nebe ema nebe maka abortus, mate ba kolera, maibe ema nebe maka ho iha naran Jintiu hanesan (Bere, Mali, soi,nsst) ne’e tau hotu, nebe Sekretris Nurep, Xefe Suco, ho matenek na’in hat sei tuir formasaun iha Covalima, depois sei identifika mos abrigu 975 nian, Soldadu na’in hira, Komandante Seksaun nain hira, kilat jetres no Mauzer hira nsst ” Mausoko dehan.
Engkuantu dadaun ne’e seidauk identifika lolos dadus Juvem nebe ho idade menor uluk luta ba ukun rasik an, bainhira identifika ona Juvem sira nebe maka uluk luta ba ukun rasik an, Governu sei konsidera hodi fo sertifikadu, ho nune’e bele fo benefísiu ba jerasaun ba jerasaun iha futuru oin mai.
Jornalísta : Tynho Gusmao
Editor : Chamot Nahac
