Covalima ( RCCT ) 14 -10-21, La iha Dalan atu lori Material Uma Kibi’it Laek ( UKL ) nebe apoiu husi Programa Nasional Dezemvolve Suco (PNDS) ba Komunidade iha Aldeia Loro Kida Suco Fohorem Postu Administrativo Fohorem maka Administrador Municipio Covalima (AMC) husu ba Institutu Gestaun Ekipamentus ( IGE ) atu apoiu loke dalan ba Aldeia Loro Kida.
Tuir Administrador Munispio Covalima (AMC) Francisco de Andrade hateten halo ona Proposta ba Institutu Jestaun Ekipamentus (IGE) atu apoiu loke dalan ba Populasaun sira nebe mak hela iha Aldeia Loro Kida tanba dadaun ne’e laiha dalan atu transporta material Konstruksaun UKL ba Aldeia Loro Kida no mos Komunidade sira mos susar asesu ba estrada hodi halo movimentu ba mai.
“ Ekipamentus ( IGE ) Institutu Jestaun Ekipamentus, ami Atu loke dalan ba Populasaun nebe mak hela Aldeia Loro Kida, Suco Fohorem, Postu Administrativo Fohorem, Komunidade balu husi Aldeia Loro Kida mos hetan Apoiu Uma Kbi’it Laek ( UKL ) maibe la iha dalan atu lori material uma nian ba iha Aldeia Loro Kida, Tanba ne’e ami halo ona proposta ba IGE atu loke dalan ba iha Aldeia ne’e inklui Aldeia ida iha Suco Lepo Postu Administrativu Zumalai nian ” Dehan Adm Munisipio Covalima Francisco de Andrade.
Tuir Administrador Municipio Covalima Oras ne’e IGE sei halo Obra iha Suco Beco hafoin remata Obra Iha Suco Beko, Ekipamentus hirak ne’e sei lori ba loke dalan husi Suco Fohorem diresaun ba Aldeia Loro Kida depois ba fali iha Suco Lepo.
“ Oras ne’e dadaun IGE sei halo Obra iha Suco Beco no Ekipamentu balu sei konsentra iha Kasa Ainaro. hafoin Institutu Jestaun Ekipamentus halo hotu Obra iha Suco Beco remata, sira nia parte lori Material hirak ne’e Loke fali dalan iha Posto Administrativo Fohorem, Suco Fohorem diresaun ba Aldeia Loro Kida, depois remata servisu iha ne’eba Ekipamentus hirak ne’e ba fali Suco Lepo Posto Administrativo Zumalai ” Tenik Adm Munisipio Covalima Francisco de Andrade.
Entretantu Administrador Munispio Covalima Francisco de Andrade promesa sei Esforsu hodi buka solusaun nebe mak di’ak atu loke dalan foun ba komunidade sira nebe hela iha area remotas hetan dalan nebe diak hodi asesu ba mai.
Jornalista : Saturnino Soares
Editor : Chamot Nahac
