Covalima (RCCT) 19-10-21, Sekretario de Estado das Peskas (SEP) kansela Aktividades iha Municipio Covalima tanba la iha prejensa husi Autoridade Municipal. SEP, Elidio de Araujo iha intervista dehan kansela aktividade Vizita Peskadores iha Covalima no halo lansamentu aktividade hakiak ikan iha Suco Dato Tolu, Postu Administrativu Fohorem tanba Atutoridade Municipio Hanesan uma na’in ba Municipio Covalima nebe okupadu ho atividade seluk.
Governante esplika, objektivu ba vizita ne’e atu hasoru malu ho Peskador sira iha Covalima hodi rona direita peskador sira nia preokuasaun durante.
“Objetivu vizita ne’e atu hasoru malu peskador sira hodi rona rasik sira nia preokupasaun durante ne’e sira iha, Programa sira nebe mak ita ajenda tia ona mak atu hasoru malu ho Peskador sira iha Suai no atu lansamentu ba Ikan iha Postu Administrativu Fohorem Suco Dato Tolu, maibe iha Municipio Covalima ne’e iha aktividade barak tanba Autoridade Municipio mos sei iha Aktividade seluk entaun programa sira ne’e ita hare fali ba tempu seluk” katak Elidio de Araujo
SEP Konsidera Autoridade Municipal hanesan Uma na’in iha Municipio tanba ne’e wainhira la konsege hasoru malu Administrador Covalima maka SEP Adia Programa ba tempo Seluk.
“Ohin ita hotu hatene katak Vizita mai iha Covalima ne’e programadu tiha ona iha semana kotuk liu ba, maibe tanba iha Municipio ne’e mos iha aktividades barak maka ha’u la konsege hasoru malu ho Administrador Municipio, entaun ita bele adia fila fali ba iha tempu seluk atu nune’e bele hala’o fali ita nia aktividades sira ne’e, tanba ita konsidera Autoridade Municipio mak hanesan uma ba Municipio Covalima ne’e” dehan SEP Elidio de Araujo
Nune’e Mos SEP Elidio de Araujo nafatin enkoraja Peskador sira atu mantein nafatin posizaun hanesan ema peskador.
Entretantu to’o Notisia ne’e hatun RCCT seidauk halo Konfirmasaun ho Administrador Covalima tanba Laiha Fatin
Jornalista : Aje Ferreira
Editor : Chamot Nahac
