Korenti Mota Raiketan Obriga Lucia Tenki Fila Sedu ba Lalehan

Letratu Ekipa Servisu Jestaun Risku Dezastre Munisipiu Covalima Hetan matebean Lucia da Cunha nia Mate isin iha mota raiketan; Foto : Koordenador Servisu Jestaun Risku Dezastre Munisipiu Covalima Dinis Perreira

Covalima (RCCT) 24-02-22, Komisaun Jestaun Risku Dezastre Munisipiu Covalima ne’ebé kompostu husi Servisu Bombeiru, PNTL, hamotuk ho komunidade sira iha Dais, Suco Belekasak, hetan mate isin Lucia da Cunha ne’ebé mota Raiketan lori iha hale’u oras tuku 2 iha Kuinta Feira (24/02) ne’ebé halo viazen husi Suco Opa, Aldeia Mape, Postu Administrativu Lolotoe Munisipiu Bobonaro ba Suai ho objetivu atu faan Bua ho malus no ninia oan mane Paulo Mendes atu asina ninia diploma tanba durante ne’e halo hela estudu iha Suai.

Informa ba RCCT Dinis dehan wainhira hakur mota, matebean hakfodak tanba sasan ne’ebé nia tutur ka lori ne’e atu monu, nune’e tan atu sasan ne’e mak Matebean monu tun ba mota laran neebe ho korente makas.

Kronolojia mana ne’e no nia oan mane mai husi Lolotoe atu fa’an sasan/fuik no bua to’o iha mota raiketan laran parte haas ain niak ne’e sira na’in 2 hakur liu ona komu ferik nian sasan ne’ebé mak tutur iha ulun atu monu mana ne’e hakfodak atu salva sasan la konsege entaun nia ho sasan duir hotu ba mota laran, tamba mota nia korenti makas ona maka lasalva mana nia vida” katak Dinis ba RCCT Via Whatsapp

Letratu Karu Funerariu Tula Mate isin Lucia da Cunha hodu evakua ba Loloroe/ Foto : Koordenador Servisu Jestaun Risku Dezastre Munisipiu Covalima Dinis Perreira

Dinis Perreira dehan ba RCCT, Nia parte hetan informasaun husi nia kolega nebe servisu iha Asaun Sosial nebe hetan kontaktu husi Matebean Lucia nia Oan Mane Paulo Mende hodi informa no husu tulun husi ekipa.

Ha’u hetan informasaun ha’u nia kolega ne’ebé servisu iha Asaun sosial tanba, Mana ne’e nia oan (Paulo) mak telefeone ba nia hodi husu ajuda, ne’e mak ami mos langsung ba fatin akontsementu hamotuk ho Bombeiru no PNTL sira Inklui Komunidade sira hodi buka tuir matebean ne’ebé mota lori” Katak Dinis

Tenik Koordenador Servisu Jestaun Risku Dezastre Munisipiu Covalima Dinis Perreira,Akontese Mota Raiketan Lori Matebean Lucia iha oras hale’u tuku 2 loro manas.

Mota lori iha tuku 2 liu nune’e no to’o iha oras tuku 5:45 otl foin mak ekipa hetan vitima ne’e nia naran Lusia da Cunha ho idade 37 ho nia oan mane naran Paulo mendes mai hosi Postu Administrativu Lolotoe Suco Opa Aldeia Mape ho objetivu mai iha suai atu faan sasan ho nia atu asina diploma” Dinis Haklean

Engkuantu Informasaun ne’ebé RCCT asesu husi Koordenador Servisu Jestaun Risku Dezastre Munisipiu Covalima Dinis Perreira Matebean Lucia da Cunha Evakua ona ba Rezidensia iha Lolotoe ho Karu Vuneriu iha 20:33 kalan.

Reportazen: Chamot Nahac