Kordenador KORK Covalima Bandu Membru Uja Atributu iha Tempo Kampaña no Eleisaun

Kordenador Arte Marisiais KORKA Iha Munisipiu Covalima Justino Guterres Maia. FOTO RCCT/ Tynho Gusmão

Covalima (RCCT) 07-02-22, Kordenador Grupu Arte Marsiais (GAM) Korka iha Munisipiu Covalima Justino Guterres Maia husu membru gurpu arte marsiais korka atu labele uja atributu arte marsiais nian hodi partisipa iha kampaña eleisaun no partisipa eleisaun iha sentru votasaun sira.

Lia ne’e hato’o iha Salaun Uma Feto Covalima bainhira CNE Realiza Edukasaun Sívika ba Gurpo Arte Marsiais sira iha Covalima (07/02)

Atividade organizasaun ho atividade politika nian la hanesan, ne’ebé ami husi Kmanek Oan Rai Klaran (KORKA) husu ba membru sira labele uja atributu arte marsisais nian hodi ba tuir kampaña eleisaun ka ba vota iha sentru votasaun, tanba lei bandu” Justino informa.

Kordenador GAM KORKA ne’e relata, bainhira identifika membru sira uja atributu Arte Marsiais lori partisipa iha kampaña Eleisaun, sei submete ba autoridade judisiáriu hodi halo prosessu investigasaun.

Karik kampaña ho eleisaun maka ami identifika membru sira uja farda arte marsiais ami sei halo submete ba autoidade judisiáriu hodi halo prosessu investigasaun, tanba ami la autoriza membru sira uja farda arte marsiais hodi partisipa iha kampaña no eleisaun” Justino informa.

Entretantu Prezidenti Komisaun Reguladora Arte Marsiais (KRAM) Francisco Barros alerta ba Grupu Arte Marsiais (GAM) ne’ebé ezisti iha Covalima, atu labele uja atributu arte marsiais no labele hamosu konflitu iha prosessu kampaña no mos iha tempo Eleisaun.

Jornalista : Tynho Gusmão

Editór      : Chamot Nahac