Covalima (RCCT) 14-12-21, Progressu Konstrusaun Uma Kbi’it Laek (UKL) iha Municipio Covalima hamutuk uma 90 dadaun ne’e atinji ona 70%.
Tuir Kontavista Programa Nasional Dezenvolvimentu Suco (PNDS) iha Municipio Covalima Manuel Noronha hateten; tuir tarjetu ne’ebé planeia ona, tinan 2021 ne’e progressu Konstrusaun UKL tenke finaliza tanba Periode ida ne’e hanesan Projetu Pilotu, nune’e tinan oin iha planu orsamentu foun sei kontinua nafatin implementa Programa Uma ba Kbi’it Laek (UKL).
“Implementasaun Uma Kbi’it Laek ida agora ne’e hanesan pilotu ida, ne’ebé bainhira tarjetu ne’ebé maka planeia ona, tinan 2021 tenke remata, tanba tinan oin iha planu orsamentu foun atu implementa tan UKL ne’e, ne’ebé agora dadaun progressu ba Uma Kbi’it Laek ne’e atinji ona 70%” Saseluk Diretór PNDS Covalima, Kontavista Manuel Noronha dehan iha Edifisiu PNDS Covalima (14/12).
Manuel informa hafoin finaliza tia Programa Konstruksaun UKL, PNDS Municipio sei realiza enkontru final hodi intrega UKL direta ba Benefisiárius sira.
” Iha ne’e konstrusaun ba prosessu fíziku depois sei halo prosessu pagamentu ba iha materia konstrusaun nomos insentivu ba Traballador sira nian, depois ida ne’e hotu maka foin halo enkontru final depois ita sei intrega direta uma ne’e ba Komunidade sira ne’ebé maka sai Benefisiu” Nia dehan.
Nia Kontinua, dalaruma Kompaña Lokal sira fornesedor ba material Konstrusaun tarde, tanba relasiona ho situasaun Covid-19.
“Liga ho situasaun Covid-19, entaun material iha Fronteira mos tama tarde, entaun sira ba Sosa iha Dili maibe iha ne’eba mos susar tebes tanba Programa UKL ne’e La’os iha Covalima deit, iha 13 Municipio ne’e iha hotu depois material ne’ebé kuaze hanesan, tanba ne’e maka stok ne’e araska” Nia Informa.
Enkuantu Uma ba Kbi’it Laek (UKL) iha Municipio Covalima hamutuk 90, husi total ne’e kada Suco hetan Uma tolu ne’ebé ho tipu diferente husi 48 metru kuadradu no 37 metru kuadradu.
Entretantu iha Munisipiu Covalima iha Suku 30 Postu Administrativu hitu maka hanesan Postu Suai, Zumalai, Tilomar, Fohorem, Fatumea, Fatululik inklui Maukatar.
Jornalista : Tynho Gusmão
Editór : Chamot Nahac
