Konstrusaun Edifisiu Administrador Postu Maukatar Hatur ona Fatuk Dahuluk

Covalima (RCCT) 05-01-22, Administrador Munisipiu Covalima halo Seremonia Lansamentu Fatuk da huluk ba projetu konstrusaun Edifisiu Postu Administrativu Maukatar ne’ebé Lokaliza iha Suco Holpilat Aldeia Leogore, ba projetu konstrusaun Edifisiu ne’e ho montante orsamentu $.164.861.91 Dollar Amerikanu, ne’ebé konstrui husi Kompañia SABUDOI Unip.Lda.

Iha iha Lansamentu ne’e Administrador Munisipiu Covalima Francisco de Andrade husu ba Kompaña ne’ebé kaer obra ne’e, atu uza traballador iha Postu ne’e rasik,labele uza traballador husi Postu seluk mak halo Servisu iha edifísiu ne’e.

” Ohin ita halo lansamentu ba edifísiu ne’e, hodi nune’e ita la’o dadaun saída mak planu Munisipiu Covalima nian, no husu ba Kompaña iha ne’e ita ohin lansamentu ona, ha’u husu ba Kompaña kona ba traballador tenke uza iha postu ne’e, labele husi fatin seluk mak mai servisu iha ne’e, tanba lei la fo dalan, kona ba tekniku ne’e depende ba Kompañia sira,” Hateten Administrador Munisipiu Covalima iha nia abertura

Enkuantu Supervisor Kompaña SABUDOI Alfredo dos Santos iha nia Intérvista halore konstrusaun ba Obra sei finaliza iha fulan neen nia laran maibe depende mos ba Iklima iha terenu.

“Konstrusaun ne’e atu halo Edifisiu Postu Administrativu Maukatar, ne’ebé durasaun fo ami fulan ne’en, ne’ebé ami garantia remata iha fulan neen nia laran, maibe depende ba klima tanba servisu iha foho,” Katak Supervisor Kompaña SABUDOI Alfredo dos Santos.

Supervisor Kompaña SABUDOI afirma, Servisu nain ba iha konstrusaun Edifisiu ne’e mai husi Postu ne’e Maukatar duni so ema tekniku deit mai husi Kompaña.

“Tekniku ba konstrusaun husi Kompaña ami nia rasik no trabalhador mak ami persiza tolu nulu resin ba konstrusaun ne’e, no trabalhador sira ne’e mai husi Postu Administrativu ne’e rasik, lolos ne’e Edifisiu ne’e tama ona 40% ona,maibe difikuldade ne’ebé hasoru mak konaba rai, ne’ebé ohin mak foin hali lansamentu,” Katak Alfredo.

Entertantu Administrador Munisipiu Covalima mos husu ba Kompaña tenke uza instrumentu ne’ebé regula husi SEFOPE, no husu mos ba Komunidade Postu Maukatar ne’e kusta ita bo’ot sira nian, ne’ebé hotu halo Seguransa no asegura nune’e bele susesu.

Jornalista :Jhana Cardoso

Editor       : Chamot Nahac