Konsidera Komponente Importante – CNE Halo Edukasaun Sivika ba GAM iha Covalima

Comissariu CNE destaka Munisipiu Aileu ho Covalima Carlito Martins. FOTO RCCT/Tynho Gusmão

Covalima (RCCT) 07-02-22 Comissão Nasional das Eleições (CNE) nudar órgaun Administrasaun Independénte ho nia resenseamentu no aktu eleitoral iha Timor Leste no diáspora haktuir Konstituisaun RDTL iha artigu 65:6, ho nune’e CNE Covalima ho humilidade realiza Edukasaun Sívika ho tema “Promove Esklaresimentu Konaba Aktu Eleitorál no Eleisaun ne’ebé Rezilénte ho Covid-19” ba Grupo Arte Marsiais (GAM) sira kompostu husi Korka, Kera Sakti, PSHT ne’ebé ezisti iha Munisipiu Covalima.

Ba Jornalista sira Komisariu CNE Destaka Munisipiu Aileu no Covalima Carlito Martins hateten, CNE realiza formasaun konaba importánsia husi Eleisain nian ba GAM ne’e tanba konsidera sira hanesan komponente ida iha Nasaun ne’e no nakonu ho eleitores atu partisipa iha Eleisaun.

CNE realiza formasaun konaba importansia husi Eleisaun nian ba grupu arte marsiais sira atu nune’e sira bele apar, hodi bele uja sira nia direitu partisipa iha vota, depois grupu arte marisiais komponente ida iha paíz ida ne’e, entaun ne’e grupu ida ne’ebé poténsia tebes, depois grupu ida ne’e mos iha eleitorál atu ba vota, tanba ne’e maka hakarak ka lakoi tenke konta ho sira tanba sira rekursu ida atu partisipa iha prosessu dezenvolvimentu” Carlito Martins informa iha Salaun Uma Feto Covalima (07/02).

Nune’e mos matéria ne’ebé maka dezamina iha formasaun konaba, Órgaun Administrasaun Eleitoral, Krime Eleitoral, Kampaña Eleitoral, nsst.

Matéria ne’ebé maka sira hetan hanesan Órgaun Administrasaun Eleitoral maka hanesan CNE ho STAE nia papel, depois Krime eleitoral, no kampaña eleitoral nsst” Komisariu ne’e informa.

Entretantu Formasaun ne’e partisipa husi Reprezentante Administrador Postu Suai Agusto Borges, Komandante PNTL Eskuadra Postu Suai Cecilia Amaral inklui Kordenador Arte Marsiais sira ho nia membru sira, no Formasaun ne’e realiza duránte loron ida deit iha Salaun Uma Feto Covalima, no

Jornalista : Tynho Gusmão

Editór      : Chamot Nahac