Covalima (RCCT) 14-12-21, Estudante Eskola Sekundari Geral Publika (ESGP) Suai na’in ida tuir Ezame Nasional iha uma tanba Seidauk rekopera husi Operasaun ba nia moras ne’ebé nia sofre.
Ba Jornalista sira Professor da turma Ciensia Teknolojia (CT) 7 Paulo Alsino Cardoso hateten, husi Eskola relata ona ba Ministerio Edukasaun Juventude no Desportu (MEJD) tanba ne’e iha posiblidade ba Estudante ne’ebé moras bele tuir ezame iha uma.
“Husi Eskola Sekundaria Geral Publika (ESGP) Suai ne’e rasik relata ona ona ba Ministerio Edukasaun Juventude no Desportu tanba ne’e iha posiblidade ba Estudante ne’ebé mak moras bele tuir ezame iha uma nune’e mos Eskola iha dever atu lori pontus de ezame Nasional ne’e tenki lori to’o uma atu nune’e mos Estudante sira iha diretu atu partisipa iha Ezame Nasional tuir kalendario Nasional nian no mos karik estudante ne’ebé ho kondisaun grave karik ami halo ezame (susulan)” dehan Professor da Turma CT 7 Paulo Alsino Cardoso
Paulo Alsino mos esplika Estudante ne’e Sofre Moras apenis, ho situasaun ne’ebé obrigado estudante Maria Laila Bety de Araujo tenki halo operasaun ba nia Moras.
” Molok Ezame Nasional estudante ne’e moras tia ona lori ba Ospital depois Dotor sira foti desizaun tenki halo operasaun tanba selae ninia apenis ne’e nakfera, entaun ne’e moras grave liu tan ida ne’e mak husi estudante nia inan ho aman mos aseita hodi halo operasaun tanba situasaun obriga inan ho aman no mos obriga estudante tenki halo operasaun, iha ami eskola iha estudante na’in rua mak hetan moras ida husi salele ne’e foin mak moras ohin maibe husi Edukasaun Municipal mak fasilita kareta lori ba iha nia uma” Katak Paulo Alsino Cardoso
Enkuantu Paulo Alsino fundamenta estudante finalista iha ESGP Suai Iha Estudante na’in rua mak Partisipa ezame Nasional iha uma tanba kondisaun Saude la permite atu tuir ezame Nasional iha Eskola.
“Estudante na’in ida husi Suai ne’e nafatin tuir ezame iha uma tanba operasaun ne’e seidauk bele la’o ba mai, no estudante na’in ida husi Salele ne’e ita hare ba nia kondisaun se karik normal ona nia bele tuir ezame iha uma karik nia kondisaun seidauk normal entaun iha eskola ne’e iha obrigasaun tenki lori pontus de Nasional ba iha estudante nia uma” Tenik Paulo Alsino Cardoso
Entretantu Professor Paulo mos dehan hanesan Manorin ida motiva nafatin estudante sira maske ho kondisaun ne’ebé la permite ba sira maibe nafatin prepara an hodi tuir Ezame Nasional.
Jornalista : Aje Ferreira / Febriana Sanches
Editor : Chamot Nahac
